Diferencies ente revisiones de «Arcu de trunfu»

La construcción d'arcos trunfales na dómina contemporánea aveza a asociase a la figura de dictadores que busquen con ellos amosar el so poder y engrandecer la so figura. [[Adolf Hitler]] planeó construyir el mayor arcu trunfal del mundu en Berlín. Había tener 170 m d'anchor, 28 m de fondu y 119 m d'altor, un tamañu grande abondo como pa meter 49 arcos de trunfu de París dientro d'elli, y diba decorase colos nomes de los 1,8 millones d'alemanes que morrieran na [[Primer Guerra Mundial]]<ref>Zalampas, Sherree Owens, ''Adolf Hitler: a psychological interpretation of his views on architecture, art, and music'', p. 81. Popular Press, [[1990]]. ISBN:978-0-87972-488-7</ref>. El dictador de [[Corea del Norte]] [[Kim Il Sung-sung]] construyó'l mayor arcu trunfal del mundu en [[PionyangPyongyang]] en [[1982]]. Foi diseñáu aposta pa ser abondo más grande que'l parisín, y llevantose nel llugar nel que, el [[14 d'ochobre]] de [[1945]], el dictador dio'l so primer discursu públicu. Ta decoráu con escultures y relieves que representen "el regresu triunfal del Gran Líder victoriosu al país"<ref>Lankov, Alexei, ''North of the DMZ: essays on daily life in North Korea'', p. 83. McFarland, [[2007]]. ISBN:978-0-7864-2839-7</ref>.