Diferencies ente revisiones de «Lliga Hanseática»

 

===Los años d'esplendor===

La Lliga tenía una estructura fluida, pero los sos miembros compartíen dalgunes característiques. Pa entamar, la mayoría les ciudaes de la Hansa yeren ciudaes independientes o que ganaron esa independencia gracies a l'acción colectiva de les ciudaes de la Lliga. Magar qu'esa independencia yera relativa, lo cierto ye que les ciudaes llibres hanseátiques debían namái obediencia al emperador del Sacru Imperiu Romanu Xermánico, sin dengún llazu de vasallaxe cola nobleza llocal. Otra característica común yera que toes taben estratéxicamente asitiaes a lo llargo les principales rutes comerciales. Nel cumal del so poder, a finales del [[sieglu XIV]], les ciudaes usaron esta posición y la so fuercia militar pa influyir na política imperial.

 

 

Na mayoría de les ciudaes los comerciantes de la Hansa axuntábense alredor de los sos puestos comerciales, faciendo vida na rodiada y teniendo perpocu contactu, nun siendo pa comerciar, coles poblaciones natives. Munchos comerciantes y nobles d'eses ciudaes, poro, envidiaben el so poder y tentaben d'amenorgalu. Asina, en Londres los comerciantes llocales presionaban continuamente al so gobiernu pa que foran revocaos los privilexos de la Lliga, y el refugu de la Hansa a ufrir contrapartíes asemeyaes a los comerciantes ingleses nos sos puertos enraxonábalos enforma. Pesie a ello, el rei inglés [[Eduardu IV d'Inglaterra|Eduardu IV]] reconfirmó los privilexos de la Lliga nel [[tratáu d'Utrecht]] ([[1474]]), mayormente pa recompensar la importante axuda económica que la Hansa-y prestó demientres la [[Guerra de les Roses]]. La presión de los comerciantes llocales, sicasí, acabó siendo efectiva, y en [[1597]] [[Isabel I d'Inglaterra|Isabel I]] espulsó a la Lliga del puertu londinense; el so ''Kontor'', el Steelyard, foi peslláu al añu siguiente. Y muncho primero, en [[1494]], [[Ivan III de Rusia]] pesllara'l ''Kontor'' de Novgorod. Foi l'entamu de la decayencia, que se fizo inevitable porque'l gran poder de la Hansa obligó a los demás poderes a tomar midíes escontra ella y porque entamaron a aparecer fricciones ente los propios miembros de la Hansa<ref> Dollinger, Philippe. ''The German Hansa'', p. 341-3. Routledge, 2000. ISBN 978-0-415-19073-2.</ref>.

===L'ascensu de los poderes rivales===

[[Imaxe:Lubeka_kolorowa_litografia_książkowa_XIVw.jpg|right|thumb|300px|Lübeck nel sieglu XVI]]