Diferencies ente revisiones de «Laos»

Contenido eliminado Contenido añadido
Llinia 70:
 
===La dómina de la colonización francesa===
A finales del [[sieglu XIX]] Luang Prabang foi saqueada pol Exércitu de la Bandera Negra, una banda d'antiguos soldaos d'etnia Zhuang reconvertíos en bandidos<ref>http://web.archive.org/web/20070718125054/http://www.culturalprofiles.net/laos/Directories/Laos_Cultural_Profile/-1064.html ''Laos under the French'', historia de la dominación francesa de Laos na web culturalprofiles.net (n'inglés) (guardada nel Internet Machine Wayback Machine). Consultáu'l [[27 d'agostu]] de 2014.</ref>. Los franceses rescataron al rei [[Oun Kham]] y añedieron el reinu de Luang Phrabang al protectoráu de la Indochina francesa. Poco dempués el reinu de Champasak y el territoriu de Vientiane siguieron el mesmu camín. El rei [[Sisavang Vong]] de Luang Phrabang convirtiose nel dirixente del Laos unificáu, y Vientiane volvió a convertise na so capital. L'interés francés por Laos, sicasí, llimitábase al so deséu de caltener un estáu tapón ente Tailandia, que taba embaxu la influyencia inglesa, y los territorios d'Annam y Tonkin, alministraos por ella y de muncho más valir dende'l puntu de vista económicu. Demientres el so dominiu los franceses introducieron la institución de la corvea, un sistema pol que cada varón adultu de Lao taba obligáu a trabayar diez díes al añu pal gobiernu colonial.
 
Laos producía estañu, madera y café, pero les sos esportaciones nunca representaron más del 1% del total de les de la Indochina Francesa. Pa [[1940]] namái vivíen nel país 600 ciudadanos franceses. Sicasí, munchos de los qu'aportaron al país como funcionarios, colonos o misioneros desarrollaron un fuerte apreciu pol país y les sos xentes, y munchos gastaron bona parte de la so vida tentando de meyorar les condiciones de vida de los laosianos. Dellos casáronse con una laosiana, aprendieron l'idioma, convirtiéronse al budismu ya integráronse na so sociedá, daqué meyor aceptáu na sociedá francesa que na inglesa.
 
El país declaró la so independencia'l [[12 d'ochobre]] de [[1945]], pero los franceses consiguieron recuperar el control. En [[1950]] se-y garantizó una semiautonomía, dándose-y l'estatus d'estáu asociáu dientro de la [[Xunión Francesa]]. La independencia definitiva del país produciose'l [[22 d'ochobre]] de [[1953]]. La forma de gobiernu escoyida pa entamar el camín de la llibertá foi la monarquía constitucional.
 
== Política ==