|
'''Cristóbalo Colón''' ([[1451]]- [[20 de mayu]] de [[1506]]). Marineru posiblemente ñacíu en [[Xénova]] (anque dellos hestoriadores dicen que yera del [[Reinu d'Aragón]], el [[Reinu de Galicia]] o'l [[Portugal|Reinu de Portugal]] ente otros) que, al serviciu de la Corona de Castiella [[Reinu de Castiella]], alcontró una ruta segura -dende occidente- a [[América]] pa [[España]] (hasta entós desconocida o non documentada) el [[12 d'ochobre]] de [[1492]].
La hestoriaviaxes a la [[Lluna]] fechos nel [[sieglu XX]].
La hestoria más espardida del viaxe ye la de que Cristóbal Colón taba convencíu d'algamar les costes del llonxanu oriente (les Indies) viaxando a la escontra, pal oeste, y que yera posible facer el viaxe pela mar con posibilidaes d'ésitu. Daquella namás que se conocía esi camín arrodiando [[África]], y esa yera una vía embaxo'l control de [[Portugal]], que nun dexaba pasar a naves que nun foren propies. La forma redonda de la [[Tierra]] yera bien conocida na dómina, anque polo visto la teoría de Colón al rodiu de que pudiera facese'l viaxe basábase en cálculos fallíos al rodiu'l tamañu del planeta, qu'indicaben que yera más pequeña de lo qu'en realidá ye.
Otres teoríes dicen que Colón tuviere conocencia d'un continente nuevu por lleendes escuchaes en países nórdicos, escomencipiando la tarea de topalu pa la so conquista.
Lo que ye seguru ye que Colón amás de topar el nuevu continente, tornó a [[Europa]] y llueu a [[América]] hasta cuatro vegaes, faciendo una serie de viaxes periódicos con seguridá dende [[Europa]] hasta [[América]], ensin saber nunca que los viaxes taben faciéndose a un continente nuevu, y non a unu vieyu. Anque se conoz que los [[Viquingu|Viquingos]] llegaren a [[América]] al rodiu del [[sieglu XI]], ye de magar los viaxes de Colón y otros exploradores que lu socedieren cuando s'establecieron venceyes permanentes, reclamando pa sí les potencies imperiales europees el territoriu americanu. Amás entamóse l'intercambiu ente dambos continentes de productos como la [[pataca]], el [[tomate]], el [[maíz]] y d'animales como los [[caballu|caballos]].
Nel so primer viaxe topó la islla de [[San Salvador]] (o [[Guanahani]] como yera nomada polos ñativos) depués de dos meses de travesía, visitando depués [[Cuba]] y [[La Española]]. Volvió a [[España]] siete meses depués de cuando marchara. Nel so viaxe cabero namás que tardó un mes y cuatro díes en dar coles costes d'[[América]].
Los llogros de Cristobal Colón nesa dómina compárense a los viaxes a la [[Lluna]] fechos nel [[sieglu XX]].
La República de [[Colombia]] tien el so nome n'homenaxe a Colón.
| 