Diferencies ente revisiones de «Uranu (planeta)»

{{AP|Anillos d'Uranu}}

Uranu tien, como tolos otros planetes xigantes del sistema solar, un sistema d'anillos, que nesti casu ye poco visible y formáu por partícules oscures. Los anillos foron descubiertos de casualidá en 1977 por James L. Elliot, Edward W. Dunham y Douglas J. Mink. Estos vieron, al traviés del Kuiper Airborne Observatory, cómo la lluz d'una estrella cercana a Uranu sumíase al averase al planeta. Del estudiu del fenómenu concluyeron que la única esplicación posible yera que'l sistema d'anillos tenía ocultao la estrella. La so hipótesis confirmose en 1986, cuando pudieron vese directamente los anillos nes imáxenes unviaes pola Voyager 2<ref>[http://www.upv.es/satelite/trabajos/Grupo2_99.00/misiones/voyager/voyager.html ''Misiones interplanetaries del Voyager 2 y 3'']</ref>.

 

Recientemente, gracies a les observaciones que ficieron astrónomos de la [[Universidá de Berkeley]] col sistema d'infrarroxos ópticos adaptativos del telescopiu Keck ([[Hawai]]), descubriose qu'Uranu tien un anillu de color azul<ref>[http://www.astroseti.org/noticia_2110_Urano_descubrimiento_segundo_anillo_azul.htm ''Urano: descubrimiento de un segundo anillo azul'']</ref> y otru colloráu. Esto último ye lo habitual en toos los planetes, pero los anillos azules son una rareza planetaria.