Diferencies ente revisiones de «Sistema Solar»

La llocalización del Sistema Solar dientro la galaxia ye un factor que tien influyío na vida na Tierra. La nuesa órbita ye circular, y orbitamos alredor del Sol a la mismamesma velocidá que tienen los brazos de la espiral de la galaxia. Poro, el Sol traviesa esos brazos perpoques veces. Como nos brazos de la galaxia asítiense munches supernoves, y hai inestabilidaes gravitacionales y radiación que podríen alteriar el Sistema Solar, esti pasar de ralo en ralo dió-y a la Tierra llargos periodos d'estabilidá que-y permitieron evolucionar. Arriendes d'ello, el Sol ta tamién perllonxe del centru de la galaxia, una zona con gran densidá d'estrelles na que los estirones gravitacionales d'astros vecinos podríen perturbar los cuerpos de la nube d'Oort, unviando munchos cometes al Sistema Solar interior, col consiguiente peligru de colisión y d'alteración catastrófica de les condiciones de l'atmósfera terrestre. Eso, y la intensa radiación del centru galácticu, que podía torgar el desarrollu de formes de vida complexes<ref>[http://www.astrobio.net/news-exclusive/galactic-habitable-zones/ Leslie Mullen (2001). ''Galactic Habitable Zones''. Astrobiology Magazine.]</ref>. Dafechu, y pesie a la so posición actual na galaxia, dellos científicos especulen con que les caberes [[supernova|supernoves]] pueden tener afectao, col llanzamientu de granos de polvu radiactivu y cuerpos mayores similares a cometes hacia'l Sol, el desarrollu de la vida nos caberos 35.000 años<ref>[http://phys.org/news6734.html ''Supernova Explosion May Have Caused Mammoth Extinction''. Physorg.com. 2005.]</ref>.