Diferencies ente revisiones de «Ópera»

L'ópera suel estremase d'otros xéneros de teatru musical aceutándose que, a diferencia d'ellos, l'ópera ye una representación acompañada dafechu por música. L'hestoria del xéneru amuesa que tal afirmación nun ye correuta. Si bien l'ópera diferenciase del teatru recitáu pola estraordinaria participación de la música na so costitución, coñocíanse ya dende'l barrocu formes llimítrofes comu la Mascarada, l'Ópera de balaes, la Zarzuela y el Singspiel que tracamundiense en non pocos casos comu l'ópera. Asina, los Singspiele de [[Wolfgang Amadeus Mozart]] considéranse óperas al igual que les zarzueles de José de Nebra, mentantu que Die Dreigroschenoper (l'Ópera de los tres centavos) de Kurt Weill ta, daveras, muuncho más allegada al teatru recitáu qu'a la ópera. Pa cabu, hai otros xéneros allegaos a l'ópera comu lu yeren las ópera-balé del barrocu Francés y dalgunes obres neuclasicistes del [[sieglu XX]] comu, por casu, dalgunes obres d'[[Igor Stravinsky]]. Sicasí, n'estesnestes obres la parte principal espresiva recae na danza mentantu que'l cantu ye rellegáu a un papel secundariu. Al respeutu de la diferencia ente la ópera y la Zarzuela, la Opereta, el Singspiel y el Musical inglés y norteamericanu, la llende ñaz d'una diferencia formal. Estos xéneros carauterízanse por tar estruturaos en númberos musicales piesllaos que van intercalaos nuna representación recitada, mentantu que la ópera ye dominada pola música y la cantidá de testu recitáu ye menor o dengún, y tien acompañamientu musical.