Diferencies ente revisiones de «La Mata (Grau)»

 

Nel llugar de '''Santu Dolfu''' s'alcuentra la ilesia de Santolaya. Aparez mención d'ella yá nel [[sieglu XI]], anque'l templu actual, de nave única y cabecera recta, ye de traza románica (sieglu XIII). Pesie a ello, lo qu'anguaño vemos ye, mayormente, fecho nel [[sieglu XVIII|XVIII]]. Dientru de la ilesia hai un sarcófagu que, según la lleenda, agospiaba'l cuerpu de Santu Dolfu (San Ataúlfo en castellanu), obispu de [[Santiago de Compostela]] a finales del [[sieglu IX]] que, al ser acusáu de tener tratos colos moros, foi llamáu a cuentes pol rei [[Bermudo II]], que d'aquella paraba n'[[Uviéu]]. De la que volvía, llibre de culpa, pa la so sé episcopal, morrió en La Mata, y allí foi enterráu. El so sepulcru foi llugar de peregrinación demientres los sieglos medievales y modernos, hasta que'l cultu al so cuerpu foi prohibíu pol obispu Agustín González Pisador a finales del [[sieglu XVIII]]. Anguaño yá naide honra al santu, y namái que queda la lleenda, que foi recoyida pol [[padre Luis Alfonso de Carvallo]] nel so llibru ''Antigüedades y cosas memorables del Principado de Asturias'' (primer edición en [[1695]]).