Diferencies ente revisiones de «Estanislau Figueras i de Moragas»

m
correiciones
m (correiciones)
m (correiciones)
El reináu d'Amadéu finó de sópitu cuando, fartucu de los problemes políticos del país (guerra en [[Cuba]], guerra carlista, intrigues de los republicanos y los monárquicos alfonsinos), abdicó el [[11 de febreru]] de [[1873]]. Al día siguiente les Cortes, que se constituyeran n'Asamblea Nacional, decidieron por mayoría que la forma de gobiernu diba ser, pa en delantre, la republicana. Nacía, así, la [[Primera República Española]]. Nesa mesma sesión decidiose la composición del primer gobiernu del nuevu réxime, y nella foi nombráu Figueras presidente del poder executivu. Esi, qu'incluyía les funciones de xefe del Estáu y del Gobiernu, foi el cargu que recibió: nun foi, porque nun llegaría inxamás a promulgase la constitución qu'estableciera esa figura, presidente de la república, como suel dicise davezu.
 
La proclamación de la república foi una sospresa, porque la mayoría los diputaos yeren monárquicos. El gobiernu de Figueras incluyía, mayormente, a federales y progresistes que ya teníen sío ministros durante la monarquía, y nun contaba col apoyu de la población, emprobecida pola crisis económica y cabreada porque la obligaben (había serviciu militar obligatoriu) a dir lluchar a [[Cuba]], nin tan siquier de toos lostolos republicanos. Ansina, el propiu presidente de l'Asamblea Nacional, el [[Partíu Radical|radical]] [[Cristino Martos]], intentó, per aciu d'un golpe d'Estáu, implantar una república unitaria. El golpe del [[23 de febreru]] fracasó, y toos lostolos progresistes del gobiernu foron sustituyíos por ministros republicanos federales, qu'aprobaron la suspensión del serviciu militar obligatoriu.
 
Figueras, mentantu, amosaba cierta debilidá como xefe de gobiernu, y sólo pol apoyu de [[Francisco Pi y Margall|Pi y Margall]], alma verdadera d'aquel gobiernu, logró caltenese como cabezaleru del mesmu. La situación, amás, empeoraba día tres día: el [[9 de marzu]] consiguió evitase la proclamación del [[Estat Català]] dientru la República Federal Española, hebo un segundu intentu de golpe d'Estáu n'abril... Pa remedialu Figueras disolvió'l gobiernu y convocó Cortes Constituyentes el [[1 de mayu]].