Uxo

UXO (Mieres del Camín)

---

Habitantes : 2.352 Situación: a 26 km d'Uvieu y 52 km de Xixon. Ayuntamientu: Pertenez al Ayuntamientu de Mieres del Camín. Monumentos: Iglesia de Santa Olaya, románica del sieglu XII. Fiestes: 1u de Mayu, San Xose Obreru.

---

Hestoria: Uxo ocupa 3,8 kms2 y llimita al norte col pueblu de Santuyano, al sur co los de Villayana y Carabanzo, ambos pertenecientes al Conceyu de L.lena, al esti col ríu Caudal y Figareu y Santacruz de Mieres y al oeste co la Sierra de Diego y el Val.le de Cuna.

El nome le vien de la época romana, posiblemente 25 años enantes de C. , cuando Publio Carisio al que-y encomendose la conquista d'Asturies vino dende Pendilla,en L.león, ta Ostium o Ustium (Güey Uxo)a través de lo que güey conócese comu la ruta Carisia, pasando pol Homón de Faro y Picu Curriechos onde autualmente encontrose una defrensa Astur encontra el Imperiu y que táse escabando co resultaos satisfatorios pa'l conocimientu de la hestoria d'Asturies. Después de descender lo primeru que encontraríen ye un espaciu abiertu, col ríu incluíu al que nominarían Ostium, que non significaba otra cosa que entrá o tamién salida importante, y equí establecieron un campamentu de tránsitu camín de Lucus Asturum (Lugo de Llanera y després pa Xixón, habitá per aquel entonces po los Cilúrnigos.

Del asentamientu romanu en Uxo, existen tres exemplos que demuestrenlu, y que encuéntranse n'el Museu Arqueolóxicu d'Uvieu. Son unes inscripciones feches na piedra, una d'elles dedicá al Nimmedo Seddiago, presumiblemente Dios Astur y que ta firmá pol Caio Sulpicio l'Africanu por devolver co vida al so sobrín Caio Sulpicio Ursulo. L'otra ta dedicá a Lucio Severo Corona y a la so muyer Octavia y la tercera cuéntanos onde llegó Caio Sulpicio Ursulo perteneciente a los Synmschiari, exércitu astur a les órdenes de Roma. Esti personaxe , segón la inscripción de la llápida, llegó a ser Prefecto de los Symmachiari na guerra de Dacia, Centurión de la Lexión I Minerva Pia y Fiel, Centurión de la Cohorte XII Urbana, Centurión de la Cohorte IV Pretoria, Primo Pilo de la Lexión XVIII y Prefecto de la Legión III Augusta.Los Symmachiari ástures parez ser que yeren un exércitu regular a les órdenes de Roma.

Más tarde, ya ne'l añu 860 el rei Ordoño I entrega al Obispu Frominio de L.león la iglesia Sta Eulalia. Según diz el pergaminu que encuéntrase na Catedral de L.león: ......y la iglesia de Sta Eulalia que está fundada in villa Ussio...., nome que tién n'aquella época.

Güey conservamos una llápida funereria na nuestra iglesia que lleva la siguiente inscripción:Murio el siervo d3e Dios, Velasco niño. En la era