Diferencies ente revisiones de «Suetoniu»

La so obra capital, terminada escontra l'añu 121, que dedicó al so citáu amigu y [[prefeutu del pretorio]] Cayo Septicio Claro, foi les ''[[Vides de los dolce césares]]'', citada tamién como ''Vitae Caesarum'', una serie de biografíes de los once primeros emperadores, de [[César Augusto|Augusto]] a [[Domiciano]], añediendo de primeres la de [[Julio César]], obra que brindó a la [[Hestoria]] una gran cantidá de datos sobre la vida privada y el gobiernu de los emperadores romanos, anque n'ocasiones céntrase más en cuestiones superficiales y en dellos casos escandalosos que nun estudiu fondu de los fechos históricos. Magar ello, esti llibru foi bien popular mientres la [[Edá Media]], cuantimás por el so estilu d'escritura fluyíu y llanu, llibre d'artificios, nel que Suetonio pon siempres en primer llugar del párrafu la palabra más importante; usa tecnicismos, términos griegos y munches cites, dacuando bastante estenses. Tocantes a la estructura de les sos [[biografía|biografíes]]s, paez más bien alexandrín que peripatéticu, yá que nun procede tantu por orde cronolóxicu como por categoríes, como se faía nel casu de les biografíes de personalidaes lliteraries; les categoríes qu'utiliza son sicasí dafechu romanes, les siguientes: fonduxe, familia, nacencia, educación, ''toga virilis'', empiezos de la carrera, empreses guerreres, vida privada, maravíes, muerte, testamentu.