Arabia ye literalmente'l país de los árabes, por ser el bierzu d'esta cultura. Esta etnia ye conocía dende'l 2<sup>u</sup> mileniu ae.C.
Los primeros soberanos d'Arabia anicien nel [[sieglu VIII]] ae.C., inda que namáis gobernaben confederaciones tribales, n'una rexón erma y escosa poco afayaíza pa l'agricultura que taba tradicionalmente habitada por pueblos nómades. Asina, nos anicios atopamos les reines [[Zabida]] y [[Samsi]], y nel entamu'l [[sieglu VII]] ae.C. apaecen les reines [[Iati]], [[Te'elhunu]], [[Hazael]] y [[Iskallatu]] (les dos postreres pareyes de reines gobernaren xuntes).
Arabia tamién foi una provincia del [[Imperiu Romanu]] hacia'l [[sieglu II]] ae.C. Tratábase del antigu reinu [[nabatéu]], en territoriu de lo qu'anguaño ye Xordania, el [[Sinaí]] y la parte noroccidental d'Arabia Saudita; [[Petra]] yera la capital, darréu d'ello yera nomada Arabia Petria, en [[llatín]] ''Arabia Petraea''.