Diferencies ente revisiones de «Vesak»

La tradición atribúi al propiu Buda la instrucción sobre la manera fayadiza de rindi-y homenaxe. Poco primero de morrer, vio al so fiel servidor Ananda, llorando. El Buda aconseyólu non llorar, sinón entender la llei universal de que toles coses compuestes (incluyendo'l so propiu cuerpu) son impermanentes. Aconseyó a toles persones a nun llorar sobre la desintegración del cuerpu físicu, sinón a considerar les sos enseñances (el Dhamma) como'l so auténticu maestru a partir d'entós, porque namánamái la verdá del Dhamma ye eterna y non suxetu a la llei del cambéu. Tamién fixo fincapié en que la manera de rindi-y homenaxe, nun yera la mera ufrienda de flores, inciensu, y lluces, sinón tratando de siguir bonalmente les sos enseñances. Asina ye como s'espera que los budistes celebren Vesak, aprovechando la oportunidá pa repitir la so determinación de llevar una vida noble, desenvolver les sos mentes, practicar la bondá amorosa y trabayar pa traer paz y harmonía a la humanidá.