Sicasí, entá anguaño hai daquién qu'emplega esti modelu hipersasturianu, que n'ocasiones amuesa al empar una fonda refuga de la normativa y emplega otres pallabres inventaes.
Sacante estos casos, nun han considerase hiperasturianismos aquelles [[pallabres esacecíesescaecíes]], que por ser variedaes llocales o por otres razones, nun conseña la ALLA pesie a tar rexistraes nel acervu lliterariu y oral del asturianu. Bonos exemplos son ''óligu'' 'garza real' en [[Cuideiru]]<ref>Fernando Álvarez-Balbuena García "Tres notes etimolóxiques ''pinyar'', ''imu'' y ''l'oligo''". Lletres Asturianes nu. 39. Ed. ALLA. Uviéu</ref>, ''palaz'' 'palaciu', pallabra usada de contino por [[Fernán Coronas]] y acreditada na fala de [[Cadavéu]]<ref>''un xoxu chenu de paz val inda más qu'un palaz'' "Contribución a la gramática histórica de la lengua asturiana". X. Ll. García Árias. Ed. Universidá d'Uviéu 1988.</ref>. ''yeldu'' col significáu de 'plancton' o 'crill' que-y dan en [[Llanes]], y pervivu en [[Llastres]] na fras ''Yeldu pa la ballena''. ''valluga'' "valleya" en [[Cabrales]]. ''lligüerda'' "frangüesu" tamién en Cabrales, ''solliviu'' "alliviu" conseñáu en Llanes, en J.H. y en cartafueyos del sieglu pasáu<ref>"Lletres vieyes". Lletres asturianes 91. Ed. ALLA. Uviéu 2006.</ref>, etc.
