Les formes clíniques de la viruela yeren dos: viruela mayor yera la forma grave y más común de la viruela, que causaba una erupción más estendida y fiebre más alto. Hubo cuatro tipotipos de viruela mayor: la común (yera la más frecuente y reparábase en 90% o más de los casos); la modificada (leve, y reparábase en persones que se vacunaren); la llisa; y, a lo último, la hemorráxica (éstos dos últimos tipos yeren raros y bien graves). Históricamente, la viruela mayor tuvo una tasa xeneral de mortalidá d'aprosimao 30%; sicasí, la viruela llisa y l'hemorráxica solíen ser mortales. La viruela menor yera un tipu menos común de la viruela y una enfermedá muncho menos grave, que les sos tases de mortalidá fueron históricamente de 1% o menores.
