Diferencies ente revisiones de «Isaac Cardoso»

Afirma que l'alma de los brutos ye corporal y amenórgase a l'harmonía de los elementos; como'l fueu ye l'elementu más activu y movible, l'alma de los brutos ye una partícula ígnea templada por otros elementos. Los principios de les coses naturales nun son más que los cuatro elementos. En defensa de les sos idees [[atomismu|atomistes]] combati la doctrina aristotélica de los trés principios: materia, forma y privación. Foi unu de los primeres n'escribir qu'el colores nun moren nos oxetos, sinón que son la lluz mesma ''refracta, reflexa ac disposita''. Dexándose llevar de los sos enclinos nominalistes y un tanto empíriques, negó que s'estremaren de la sustanza munchos accidentes entitativos, v. gr., la cantidá y la figura. Hai conocencia fonda de cuanto se sabía de cosmoloxía, fisioloxía y anatomía a fines del sieglu XVII y aldovinaciones y acolumbres de la ciencia por venir, pero tamién severos prexuicios, por casu contra'l sistema heliocéntricu. La obra, magar ser de quien yera, circuló con tou llinaxe d'aprobaciones, ''superiorum permissu et privilexo'', llibremente per España ya Italia y nun mereció reparu dalgunu de la [[Inquisición]], y antesenantes bien foi allabada inclusive nos mesmos conventos, según declara [[Marcelino Menéndez Pelayo]].