[[Archivu:Spargel 4106.JPG|thumb|280px|Parque eólicu. [[HamburgoHamburgu]], [[Alemaña]].]]'''Enerxía eólica''' ye la [[enerxía]] llograda del [[vientu]], esto ye, la [[enerxía cinética]] xenerada por efeutu de les corrientes d'aire, y que se tresforma n'otres formes útiles pa les actividaes humanes. El términu ''eólicu'' remanez del llatín ''Aeolicus'', perteneciente o rellativu a [[Eolo]], dios de los vientos na [[mitoloxía griega]]. La enerxía eólica aprovechóse dende l'antigüedá pa mover los barcos impulsaos por veles o faer funcionar la maquinaria de molinos al mover les sos aspes. Anguaño, la enerxía eólica úsase principalmente pa producir enerxía eléctrica per duana d'[[aeroxenerador]]es. A finales de 2007, la capacidá mundial de los xeneradores eólicos foi de 94.1 [[vatiu|gigavatios]].<ref name=gwec> [http://www.gwec.net/index.php?id=28 Global Wind Energy Council News].</ref> Mientres la eólica xenera alredor del 1% del consumu d'electricidá mundial,<ref> http://www.wwindea.org/home/images/stories/pr_statistics2007_210208_rede.pdf World Wind Energy Association press release retrieved 2008 03 18 </ref> representa alredor del 19% de la producción eléctrica en [[Dinamarca]], 9% n'[[España]] y Portugal, y un 6% n'[[Alemaña]] ya [[Irlanda]] (Datos del 2007). Nel añu [[2008]] el porcentaxe apurríu pola enerxía eólica n'España aumentó hasta'l 11%. La enerxía eólica ye un recursu abondosu, [[enerxía anovable|anovable]], llimpiu y ayuda a amenorgar les emisiones de gases d'efectu invernaderu al trocar termoeléctriques a base de combustibles fósiles, lo que conviértela nún tipu d'[[enerxía verde]]. Sicasí, el principal inconveniente ye la so intermitencia.
