Wikipedia

Ángel González

profesor asturianu

Ángel González (3 de setiembre de 1925, Uviéu – 12 de xineru de 2008, Madrid), poeta asturianu.

Ángel González
Vida
Nacimientu Uviéu[1], 3 de setiembre de 1925[2]
Nacionalidá España
Muerte Madrid[1], 12 de xineru de 2008[3] (82 años)
Estudios
Estudios Universidá d'Uviéu llicenciatura : derechu
Escuela Oficial de Periodismo (es) Traducir llicenciatura : periodismu
Universidá de Salamanca
Llingües falaes castellanu[2]
Oficiu poeta, escritor, profesor
Emplegadores Universidá de Barcelona  (1967 –  1973)
Universidá de Valencia  (1973 –  1978)
Premios
Miembru de Real Academia Española[5]
Movimientu Xeneración del 50
Xéneru artísticu poesía
Cambiar los datos en Wikidata

Biografía editar

Ángel González nació n'Uviéu, Asturies el 3 de setiembre de 1925. La so neñez viose marcada enforma pola muerte de so padre, cuando'l poeta cuntaba 18 meses d'edá. La dexeneración del seno familiar continuó durante la Guerra Civil Española, cuando'l so hermanu Manuel morrió asesináu pol bandu franquista en 1936. Depués, el so hermanu Pedro exilaríase.

En 1943 enferma de tuberculosis, malura de la que dirá recuperándose adulces nun perióu de retiru nel Páramu del Sil. Tres de trés años, decide estudiar derechu na Universidá d'Uviéu pa depués, en 1950, entamar estudio de periodismu na Escuela Oficial de Periodismu de Madrid.

La so esperiencia pente la guerra foi plasmada na so obra Áspero mundo (1956), primer publicación cola qu'algamara l'accésit del Premiu Adonais.

Tres de la publicación del so segundu llibru, Sin esperanza, con convencimiento (1961), Ángel González enxertóse nel grupu de poetes de la nomada Xeneración del 50 o Xeneración de mediu sieglu española. En 1962 ye premiáu en Collioure col Premiu Antonio Machado pol llibru Grado elemental.

Nel añu 1970 ye convidáu a dar conferencies a la Universidá de Nuevu Méxicu en Albuquerque (Estaos Xuníos), onde trabayó como profesor un semestre. En 1973 pasa peles Universidaes d'Utah, Maryland y Texas baxo la mesma condición, y torna en 1974 a la Universidá de Nuevu Méxicu como profesor de Lliteratura Española Contemporánea.

En 1985 conceden-y el Premiu Príncipe d'Asturies de les Lletres y en 1991 el Premiu Internacional Salerno de Poesía. En xineru de 1996 foi escoyíu miembru de la Real Academia de la Llingua Española. El mesmo añu, amás, obtuvo el Premiu Reina Sofía de Poesía Iberoamericana. Ángel González en 1992 cesa como profesor. En 2001 algama'l Premiu Julián Besteiro de les Artes y les Lletres. En 2004 conviértese nel primer ganador del Premiu de Poesía Ciudá de Granada-Federico García Lorca.

Muerre'l 12 de xineru de 2008 nuna clínica de Madrid.

Obres editar

  • Áspero mundo, Madrid, Rialp, 1956 (Accésit Premiu Adonáis 1955).
  • Sin esperanza, con convencimiento, Barcelona, Colliure, 1961.
  • Grado elemental, París, Ruedo Ibérico, 1962 (Premiu Antonio Machado).
  • Pallabra sobre pallabra, Madrid, Poesía para todos, 1965, 1972 y 1977.
  • Tratado de urbanismo, Barcelona, Col. El Bardo, 1967.
  • Pallabra sobre pallabra, Barcelona, Seix Barral, 1968 (Poesía completa).
  • Breves acotaciones para una biografía, Las Palmas de Gran Canaria, Inventarios provisionales, 1971.
  • Procedimientos narrativos, Santander, La isla de los ratones, 1972.
  • Muestra, corregida y aumentada, de algunos procedimientos narrativos y de las actitudes sentimentales que habitualmente comportan, Madrid, Turner, 1977.
  • Prosemas o menos, 1984.
  • Deixis en fantasma, Madrid, Hiperión, 1992.
  • 101 + 19 = 120 poemas, Madrid, Visor, 1999.
  • Otoños y otras luces, Barcelona, Tusquets, 2001.
  • Pallabra sobre pallabra, Barcelona, Seix Barral, 2005 (Poesía completa).

la pallabra en el aire, disco junto al cantautor canario pedro guerra

Referencies editar

  1. ↑ 1,0 1,1 Afirmao en: datos.bne.es. Data de consulta: 17 mayu 2020. Identificador BNE: XX4578713. Llingua de la obra o nome: castellanu.
  2. ↑ 2,0 2,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. ↑ URL de la referencia: http://arts.monstersandcritics.com/news/article_1386266.php/Spanish_poet_Angel_Gonzalez_dies_aged_82. Direición web d'archivu: https://web.archive.org/web/20080214231930/http://arts.monstersandcritics.com:80/news/article_1386266.php/Spanish_poet_Angel_Gonzalez_dies_aged_82.
  4. ↑ Identificador del Boletín Oficial del Estado: BOE-A-2008-1940.
  5. ↑ URL de la referencia: https://www.rae.es/academico/angel-gonzalez-muniz.

Enllaces esternos editar

Sacáu de «https://ast.wikipedia.org/w/index.php?title=Ángel_González&oldid=3749956»