Los élitros son les ales anteriores, modificaes por endurecimientu (esclerotización), de ciertos órdenes d'inseutos como los coleópteros y los heterópteros.Denominense hemiélitros cuando l'endurecimientu nun ye total sinón parcial. La so porción basal o proximal al pronoto ta engrosada y endurecida, y la porción apical o distal ye membranosa, tamién conocida como membrana del hemiélitro. Ye típicu del orde de los hemípteros.

Exemplar adultu de Melolontha melolontha. Pueden estremase los élitros (ales anteriores) y les ales membranoses posteriores.

Tamién sirven como proteición pa les ales posteriores que tán darréu debaxo y que sirven pa volar. En dellos casos los élitros tán xuníos, dexando al inseutu ensin capacidá de volar. Tienen coles mesmes una función d'equilibriu mientres el vuelu.

Referencies editar

Enllaces esternos editar