Adult contemporary

El adult contemporary music —n'asturianu, música contemporánea p'adultos—, frecuentemente embrivíu como AC, ye un tipu de música popular que dalgunes estaciones de radio empleguen como formatu empobináu principalmente a una audiencia adulta (d'ente aproximao 25 y 44 años d'edá). Compónse principalmente de música pop, R&B, soul y jazz contemporáneos; nun inclúi hip hop, hard rock, heavy metal, pop xuvenil o teen pop, nin dance de ritmu fuerte.

Adult contemporary
[editar datos en Wikidata]

El AC xeneró col pasu de los años subxéneros qu'inclúin el «hot AC», el «soft AC» («AC nidiu», tamién conocíu como «AC llixeru»), el «urban AC», el «rhythmic AC» y el «Christian AC» (un tipu más nidiu de música cristiana contemporánea). Delles canales de radio solo emiten «hot AC», «soft AC» o namái unu de los variaos subxéneros. El AC nun ye consideráu usualmente como un xéneru específicu de música, yá que ta compuestu namái por un conxuntu de pistes escoyíes de músicos de distintos xéneros.

Formatos del adult contemporary

Soft adult contemporary

El soft adult contemporary (o soft AC o lite AC) ye tamién conocíu como música lite o llixera n'español^{[ensin referencies]}, y munches de les estaciones de radio qu'emiten esti formatu se autodenominan lite stations (estaciones llixeres). Otros nomatos pa esti tipu de música son «Magic», «Warm», «Sunny», «Bee» (o a cencielles «B») y particularmente en Canadá «EZ Rock». El formatu puede ser vistu como un socesor mas modernu o en combinación a otros formatos como'l middle of the road (MOR), la beautiful music, el easy listening y el soft rock.

Hot adult contemporary

Les estaciones de radio emisores del hot adult contemporary emiten una variedá de temes clásiques y música corriente contemporánea dirixíos a un públicu adultu. Dalgunes de les estaciones Hot AC concéntrense un pocu más na música pop y rock alternativu pa podese enfocar a l'audiencia de la xeneración Z, a pesar de qu'inclúin tamién la música más xuvenil del pop adolescente, el urban y el rhythmic dance.

Esti formatu inclúi de cutiu el pop bailladeru (como los cantares allegres de Madonna, Cher, Gloria Estefan y Kylie Minogue), el pop empoderado (principalmente por grupos vocales masculinos como Backstreet Boys y Westlife), y la música rock nidiu empobináu p'adultos y que ta impulsada principalmente pola balada (típicamente polos Eagles, Sting, Toto y los Moody Blues). Polo xeneral, les estaciones de radio Hot AC caltienen un grupu d'audiencia d'ente 18-54 años d'edá, tantu d'homes como de muyeres.

Enllaces esternos

• Datos: Q378988