Albert Salmi
Albert Salmi (11 de marzu de 1928, Brooklyn – 22 d'abril de 1990, Washington) foi un actor de teatru, cine y televisión d'Estaos Xuníos.
Albert Salmi | |
|---|---|
 | |
| Vida | |
| Nacimientu | Brooklyn, 11 de marzu de 1928[1] |
| Nacionalidá |
 Estaos Xuníos |
| Muerte | Washington, 22 d'abril de 1990[2] (62 años) |
| Causa de la muerte | mancada por arma de fueu |
| Familia | |
| Casáu con | Peggy Ann Garner (1956 – 1963) |
| Estudios | |
| Estudios |
Haaren High School (es)  |
| Oficiu | actor de teatru, actor de cine, actor de televisión |
| Xéneru artísticu | western |
| IMDb | nm0758692 |
 | |
Biografía editar
Albert Salmi nació nel barriu de Brooklyn, na ciudá de Nueva York, nel senu d'una familia d'inmigrantes finlandeses.[3] Tres un periodu nel Exércitu de los Estaos Xuníos, retomó la so carrera estudiando'l sistema d'actuación llamáu El Métodu con Lee Strasberg.
En 1955 Salmi protagonizó la obra Bus Stop nel circuitu de Broadway, participando na xira de la obra y namorándose y casándose cola antigua estrella infantil Peggy Ann Garner el 16 de mayu de 1956. El matrimoniu tuvo una única fía, Catherine Ann Salmi, finada en 1995, a los 38 años d'edá, por causa de una dolencia cardiaca.
Salmi debutó nel cine col papel de Smerdjakov nel filme de 1958 Los hermanos Karamazov, con Yul Brynner, Lee J. Cobb, William Shatner, y Richard Basehart. La siguiente película de Salmi foi The Bravados, producción na cual encarnaba a unu de los malvaos cazaos por Gregory Peck. Pola so actuación en dambos filmes, el National Board of Review premió a Salmi col premiu NBR al meyor actor de repartu.
Nel ámbitu televisivu tuvo dellos papeles memorables na serie Dimensión Desconocida, nes entregues "Of Late I Think of Cliffordville","A Quality of Mercy" y "Execution". Ente les sos actuaciones pa la TV figuren les siguientes: papel del pirata Alonzo P. Tucker en Perdíos nel Espaciu; actuación nun episodiu de Gunsmoke encarnando a un asesín; papel de foraxíu convertíu en monxu franciscanu nun capítulu de The Virginian; nun capítulu de 1960 de Have Gun – Will Travel interpretó a un desacobardáu sacerdote. Otres producciones nes cualos trabayó fueron Naked City, Combat!, Bonanza, The Big Valley, The Legend of Jesse James, Custer, Petrocelli, The Eleventh Hour, The Road West, Knight Rider, Tierra de Xigantes, Alfred Hitchcock Presents (capítulu The Jokester) y otres munches, ente les cualos merez mentase la serie de curtia trayeutoria de James Franciscus The Investigators (1961). Amás, en 1980 actuó xunto a David Carradine na película de tema aeronáutica Cloud Dancer.
Un momentu destacáu na carrera de Salmi, nesti casu como actor teatral, llegó en 1968 al ser escoyíu p'actuar na obra d'Arthur Miller The Price, que foi representada nel circuitu de Broadway y en Londres.
Salmi y Garner divorciáronse'l 13 de marzu de 1963. Xusto nesa dómina empecipiaba'l so papel como'l risible Yadkin na serie de televisión Daniel Boone, interpretada por Fess Parker.
Darréu casóse con Roberta Pollock Taper, cola que tuvo dos fíos. En 1990 dambos fueron atopaos muertos por disparu d'arma de fueu na so casa en Spokane (Washington). Según la policía, Salmi, que na dómina taba dixebráu de la so esposa y que sufría una severa depresión, disparó a la so muyer suicidándose de siguío.[3][4] Los restos de Salmi fueron encenraos, y les cenices depositaes nel Campusantu Greenwood Memorial Terrace de Spokane.
Referencies editar
- ↑ Afirmao en: Gemeinsame Normdatei. Identificador GND: 106226780X. Data de consulta: 21 xunetu 2015. Llingua de la obra o nome: alemán. Autor: Biblioteca Nacional d'Alemaña.
- ↑ Afirmao en: SNAC. Identificador SNAC Ark: w6nk83xz. Apaez como: Albert Salmi. Data de consulta: 9 ochobre 2017. Llingua de la obra o nome: inglés.
- ↑ 3,0 3,1 Albert Salmi, Actor, 62, Is Found Shot to Death in Home With Wife. The New York Times. 25 d'abril de 1990. http://query.nytimes.com/gst/fullpage.html?res=9C0CE6D9163DF936A15757C0A966958260. Consultáu'l 29 de marzu de 2008.
- ↑ Biography: Spotlights & Shadows: The Albert Salmi Story, BearManor Media, 2004. ISBN 1-59393-001-1
- Spotlights & Shadows: The Albert Salmi Story (2nd edition), by Sandra Grabman. (2009) Albany: BearManor Media ISBN 1-59393-425-4.
- Plain Beautiful: The Life of Peggy Ann Garner, by Sandra Grabman. (2005) Albany: BearManor Media ISBN 1-59393-017-8.
Enllaces esternos editar
- Albert Salmi na Internet Movie Database (n'inglés)
- Albert Salmi na Internet Broadway Database (n'inglés)
- «Albert Salmi». en Find a Grave. (n'inglés)
- Minibiografía d'Albert Salmi
Datos: Q1382927
Multimedia: Albert Salmi
