Alemán silesiu
El alemán silesiu o so silesiu (Schläsche Sproache/Schläs'sche Sproche, n'alemán: Schlesisch), ye una variedá llingüística del alemán falada en Silesia. Anguaño l'área atópase principalmente nel suroeste de Polonia pero tamién al nordeste de la República Checa y n'Alemaña oriental. Los dialeutos del grupu tán cuasi estinguíos.
 'Schläsche Sproache' | |
|---|---|
| Faláu en | Polonia, República Checa, Alemaña |
| Rexón | Silesia |
| Falantes | 22.900:[1] 12.000 en Polonia y 10.900 na República Checa |
| Familia | indoeuropéu |
| Estatus oficial | |
| Oficial en | Nengún país |
| Reguláu por | Nun ta reguláu |
| Códigos | |
| ISO 639-1 | nengún |
| ISO 639-2 | |
| ISO 639-3 | sli
|
 Distribución histórica del silesiu | |
Historia editar
Nel so orixe, l'alemán silesiu apaeció nel sieglu XII como derivación del altu alemán mediu con una fuerte influyencia del altu alemán, del altu saxón, del fráncicu oriental, el turinxu y el silesiu. Los habitantes de Silesia podríen ser descendentes de los colonos que llegaron nel sieglu XIII procedentes de l'Alta Lusacia, Saxonia, Turinxa y Franconia.
Dempués de la Segunda Guerra Mundial, les autoridaes comunistes locales prohibieron l'usu de la llingua. Dempués de la espulsión de los alemanes de Silesia, la llingua y la cultura alemanes cuasi sumieron de Silesia cuando foi incorporada a Polonia en 1945. Les autoridaes polaques prohibieron l'usu del alemán. Inda güei hai sentimientos atopaos tantu ente polacos como nos alemanes, principalmente por cuenta de los crímenes de guerra nazis como de la espulsión y la llimpieza étnica de los alemanes étnicos de los antiguos territorios orientales d'Alemaña que fueron vencíos a Polonia pol Alcuerdu de Potsdam.
L'alemán silesiu nun tien nengún tipu de reconocencia llegal del Estáu polacu, a pesar de que la minoría alemana en Polonia llogró cierta reconocencia dende la cayida del comunismu'l 1991 y l'entrada de Polonia na Xunión Europea. L'alemán silesiu puede estremase nes variedaes Gebirgsschlesische Dialektgruppe, Südostschlesische Dialektgruppe, mittelschlesische Dialektgruppe, westschlesische Dialektgruppe y neiderländische Dialektgruppe.[2] El nordostböhmische Dialektgruppe tamién forma parte del silesiu.[3][4]
L'alemán silesiu foi la llingua na que s'escribieron les poesíes de Karl von Holtei y Gerhart Hauptmann mientres el sieglu XIX.
Referencies editar
- ↑ Alemán silesiu en Ethnologue
- ↑ Ludwig Erich Schmitt (Hrsg.): Germanische Dialektologie. Franz Steiner, Wiesbaden 1968, p. 138-139
- ↑ Ludwig Erich Schmitt (Hrsg.): Germanische Dialektologie. Franz Steiner, Wiesbaden 1968, p. 143
- ↑ Alois Kreller: Wortgeographie des Schönhengster Landes. Kraus, Nendeln 1939, 1979 Kraus, vol. 3, p. 3
Enllaces esternos editar
Wikimedia Commons acueye conteníu multimedia sobre Alemán silesiu.- Alemán silesiu n'Ethnologue
- Ueber deutsche Dialectforschung: Die Laut-und Wortbildung und die Formen der Schlesischen Mundart (n'alemán)
Datos: Q152965- Multimedia: Silesian German language
