Ana Pontón

Ana Pontón
Vocera nacional del BNG
Diputada del Parllamentu de Galicia
Vida
Nacimientu	Chorente (es) , 27 de xunetu de 1977 (46 años)
Nacionalidá	España
Estudios
Estudios	Universidá de Santiago de Compostela ; (1994 - 2000) llicenciatura : ciencies polítiques
Llingües falaes	gallegu; castellanu
Oficiu	política
Creencies
Partíu políticu	Bloque Nacionalista Galego
	anaponton.gal

Ana Belén Pontón Mondelo (27 de xunetu de 1977, Chorente ^(es) ) ye una política española del Bloque Nacionalista Galego (BNG), partíu del que ye, tamién, el so voceru nacional. En febreru de 2016 tres la XV Asamblea Nacional de la formación, convirtióse na primer muyer en liderar el partíu. Nes eleiciones autonómiques de setiembre de 2016 llogró 6 escaños pal BNG, remontando les encuestes qu'agoraben un importante descensu.

Trayeutoria editar

Llicenciada en Ciencies Polítiques y de l'Alministración pola Universidá de Santiago de Compostela.

Con 16 años entamó a militar en Galiza Nova, les mocedaes del BNG. En Santiago de Compostela participó nos Comités Abertos de Facultaes, siendo escoyida representante na Xunta de la Facultá de Ciencies Polítiques y nel claustru.

Ente 2000 y 2004 foi miembru de la direición nacional y de la Comisión Permanente de Galiza Nova, siendo secretaria d'organización ente 2000 y 2003.

Na IX Asamblea Nacional foi escoyida miembru del Conseyu Nacional del BNG. El 7 de febreru de 2004 aportó como diputada al Parllamentu de Galicia, siendo voceru en temes de mocedá ya igualdá de xéneru. Nes eleiciones autonómiques de 2005 foi escoyida diputada, exerciendo como vocera de Mocedá, Mediu Ambiente ya Igualdá, amás de ser presidenta de la Comisión d'Agricultura.

Participó n'eventos como'l Festival Mundial de la Mocedá y los Estudiantes de Cuba en 1997, na Marcha Mundial de les Muyeres de Bruxeles nel añu 2000, o'l Foru Social Mundial de Porto Alegre (Brasil) en 2002.

Collabora cola publicación Terra y Tempo.

El 8 de febreru de 2012 anuncióse que sustituyiría a Carlos Aymerich como voceru del BNG nel Parllamentu gallegu hasta les eleiciones d'esi mesmu añu, tres les que sería relevada pel cabeza de llista Francisco Jorquera.

A principios de 2016, tres los malos resultaos eleutorales collechaos por Nós-Candidatura Galega, que lideraba'l BNG, Xavier Vence anunció que nun repitiría como voceru nacional del BNG, postulándose asina Ana Pontón como uno de los dos - y principal - candidatu a la sucesión na XV Asamblea Nacional del BNG, celebrada n'A Coruña el 28 de febreru de 2016, onde foi escoyida Voceru Nacional del BNG y principal candidata a les eleiciones al Parllamentu de Galicia.

Nes eleiciones del 25 de setiembre de 2016 llogró remontar les encuestes y llograr 6 escaños pal BNG nel Parllamentu Gallegu, convirtiéndose nuna de les trunfadores de los comicios, consolidando'l so lideralgu.

Na XVI Asemblea Nacional del BNG, celebrada a caberos de marzu de 2017, foi reelixida voceru nacional del BNG col cuasi unánime sofitu (98,23%) de les bases.

Referencies editar

↑ URL de la referencia: https://www.parlamentodegalicia.gal/Composicion/Deputados/184/ana-ponton-mondelo.
↑ URL de la referencia: https://modelocurriculum.net/biografias/politicos/ana-ponton.

[22815ed731195771f4057a0b06558e8131d2aa2d-1] URL de la referencia: https://www.parlamentodegalicia.gal/Composicion/Deputados/184/ana-ponton-mondelo.

[209cafb4fb4fb7d6adcfc257a64323f17691fc51-2] URL de la referencia: https://modelocurriculum.net/biografias/politicos/ana-ponton.

[1]

[2]