Antonio Hernando Vera
Antonio Hernando Vera (4 de payares de 1967, Madrid) ye un políticu español perteneciente al Partíu Socialista Obreru Español (PSOE).
.svg){kind=small}
Biografía editar
Antonio Hernando ñació en Madrid en 1967. Llicencióse en Drechu, y trabayó como abogáu de la UXT ente 1992 y 1994 y darréu en diverses organizaciones non gubernamentales rellacionaes cola inmigración: foi secretariu xeneral de la Comisión Española d'Ayuda al Refuxáu (1995-1996), vicepresidente de l'Asociación de Trabayadores Inmigrantes Marroquinos n'España (ATIME) (1996-2000) y subdireutor de la Comisión Católica Española de Migración (1997-2001).
.jpg)
De 2001 a 2002 foi asesor de la secretaría federal de Polítiques Sociales y Migratories de la Comisión Executiva Federal del PSOE. De 2002 a 2004, foi asesor de la secretaria d'Organización de la Comisión Executiva Federal del PSOE. Autor del recursu d'inconstitucionalidá contra la llei d'extranxería. Nes eleiciones xenerales del 14 de marzu de 2004 foi escoyíu diputáu por Madrid, revalidando'l so escañu en 2008 y 2011. Foi miembru de la comisión d'investigación de los atentaos del 11-M. De 2004 a 2006, foi voceru d'inmigración y, ente 2006 y 2014, vocera de la Comisión d'Interior del Grupu parllamentariu socialista.
Nel XXXVIII Congresu Federal del PSOE foi escoyíu secretariu de Política Autonómica de la Comisión Executiva Federal del PSOE. Nel XXXIX Congresu, el nuevu secretariu xeneral, Pedro Sánchez, designó-y nuevu voceru del PSOE nel Congresu de los Diputaos, en sustitución de Soraya Rodríguez.[1]
En febreru de 2016 foi escoyíu por Pedro Sánchez pa la negociación con otres fuercies polítiques con oxetu d'aportar a la xefatura de gobiernu.[2] N'ochobre de 2016, la xestora del PSOE lo escoyó como voceru del Grupu Parllamentariu nel Congresu. Dimitió'l 21 de mayu de 2017 dempués de la victoria de Pedro Sánchez nes primaries socialistes de 2017.[3]
Referencies editar
- ↑ diputaos/ Antonio Hernando va ser el nuevu voceru del PSOE nel Congresu de los Diputaos, El Plural, 27 de xunetu de 2014.
- ↑ Díez, Anabel (3 de febreru de 2016). Sánchez escueye un equipu moderáu pa negociaciones difíciles. Diariu El País. http://politica.elpais.com/politica/2016/02/03/actualidad/1454494919_937880.html. Consultáu'l 3 de febreru de 2016.
- ↑ (en castellanu) Antonio Hernando dimiti como vocera del PSOE nel Congresu tres la victoria de Pedro Sánchez. ELMUNDO. https://www.elmundo.es/espana/2017/05/21/5921f4a122601d31208b45ab.html. Consultáu'l 22 de mayu de 2017.
Enllaces esternos editar
Wikimedia Commons acueye conteníu multimedia sobre Antonio Hernando Vera 
.
Datos: Q17478073- Multimedia: Antonio Hernando Vera
