Un arcu iris llunar (tamién conocíu como arcu iris blancu o, cenciellamente, arcu llunar) ye un arcu la vieya qu'asocede pola refraición de la lluz, nesti casu llunar, sobre una agua o nublina nocherniega. Los arcos iris llunares son relativamente tenues, por cuenta de la escasa cantidá de lluz que llega dende la Lluna. Como los arcos iris, los arcos llunares atópense siempres nel llau opuestu del cielu dende'l que llega la lluz de la lluna.

Arcu iris llunar
arcu la vieya y fenómeno óptico atmosférico (es) Traducir
Cambiar los datos en Wikidata

Condiciones editar

Les meyores condiciones por que se produza un arcu iris llunar son:

  • Cielu estenu.
  • Lluna llena (cuando la lluz de la lluna ye más brillosa).
  • Xusto dempués del tapecer vespertín o enantes del tapecer matutín (cuando la lluna inda ta baxa).
  • Abondosu mugor (polo que ye más fácil velos en tabayones).

Ye difícil estremar los colores nun arcu iris llunar porque la lluz ye xeneralmente demasiáu débil pa escitar los conos receptores de colores del güeyu. Sicasí, les cámares fotográfiques sí son capaces de captar los distintos colores.

Ver tamién editar

Referencies editar

Enllaces esternos editar