Asturies d'Uviéu

Les Asturias d'Uviéu faen referencia a una comarca histórica asturiana que s'estendía dende'l cursu enteru del ríu Eo na so parte occidental y hasta la cuenca del ríu Deva na oriental, comprendiendo toles valles ente estos dos ríos dende la costa hasta la Cordalera Cantábrica nel sur. La so capital taba n'Uviéu.

Comarca creada en 1230, por mor de la reorganización territorial de Fernandu III de Castiella, cuando los reinos de Lleón y Castiella xúnense dafechu. Nesta reorganización los conceyos de Ribedeva, Peñamellera Alta y Peñamellera Baxa, qu'enantes dependíen d'Uviéu, formen parte de la merindá castellana de les Asturies de Santillana con capital en Santillana del Mar.

Esta comarca desapaez cola división territorial d'España de 1833, creyándose la provincia d'Uviéu (l'Asturies d'anguaño)de la que s'esgayen los territorios asturianos de Burón (Fonsagrada y Negueira), Suarna y Piquín que dende entós pasen a depender de la nueva provincia de Lugo. Los territorios asturianos de Sayambre y Valdeón pasen a formar parte de la nueva provincia de Lleón. Los conceyos de Ribedeva y les dos Peñamelleres pasen a formar parte de la provincia d'Uviéu, yá qu'enantes pertenecíen les Asturies de Santiyana.

Ver tamién

• Historia d'Asturies
• Provincia d'Uviéu
• Comarques historiques d'Asturies
• Asturies de Santillana

Enllaces esternos

• Wikimedia Commons tien conteníu multimedia tocante a Asturies d'Uviéu.

• Datos: Q3323403