Atolón d'Ailinginae

Ailinginae (en marxalés Aelōn̄in Ae , [ɑ̯ɑ͡æe̯elʲe͡ɤŋɯ͡inʲ-ɑ̯ɑ͡æɛ̯ɛɛ̯][1]) ye un atolón de coral despobláu de 25 islles nel Océanu Pacíficu, nel estremu norte de la cadena Ralik de les Islles Márxal. La superficie terrestre ye de namás 2,8 km² pero enzarra una llaguna de 105,96 km². Atópase aproximao a 13 km al oeste del atolón de Rongelap. El paisaxe ye baxu, algamando los 3 m sobre'l nivel del mar. Hai dos pasos d'entrada a la llaguna llamaos Mogiri y Eniibukku.

Atolón d'Ailinginae
Alministración
Protectoráu Nueva Guinea Alemana
PaísBandera de les Islles Márxal Islles Márxal
Tipu d'entidá atolón
Xeografía
Coordenaes 11°08′N 166°25′E / 11.13°N 166.42°E / 11.13; 166.42
Atolón d'Ailinginae alcuéntrase n'Islles Márxal
Atolón d'Ailinginae
Atolón d'Ailinginae
Atolón d'Ailinginae (Islles Márxal)
Superficie 2.8 km²
Altitú 3 m
Cambiar los datos en Wikidata

La temperatura media d'estes islles ronda los 27 °C pel día y más cálida pela nueche. La temporada d'agua ye de setiembre a payares.

La cobertoria vexetal compónse de matorrales, pación y delles mates de la especie arbórea Casuarina.

Historia editar

El 1 de xineru de 1528, el navegante español Álvaro de Saavedra avistó l'atolón per primer vegada. Y xunto col atolón d'Utirik y l'atolón de Rongelap apellidóles toes xuntes como Islles de los Reis Magos, por mor de la proximidá de la Epifanía.

L'Imperiu d'Alemaña tomó l'atolón xunto col restu de les Islles Márxal en 1884. Depués de la Primer Guerra Mundial, les islles quedaron baxo'l mandatu del imperiu del Xapón. Tres el final de la Segunda Guerra Mundial, quedó al control d'Estaos Xuníos como parte del Territoriu en fideicomisu de les islles del Pacíficu hasta la so independiencia en 1986.

Dende l'añu 1954 los pocos habitantes que vivíen nel atolón d'Ailinginae foron evacuaos polos temores nucleares nel cercanu atolón de Bikini pola preba de Castle Bravo.

Referencies editar

Enllaces esternos editar

  • [1] Castle Bravo, Atomic Heritage Foundation. (n'inglés)