Atolón de Rongelap
Rongelap (en marxalés Ron̄ļap [rʷɔŋʷ(ɔ͡ʌ)ɫɑ͡æpʲ]) ye un atolón coralín de 61 islles nel Océanu Pacíficu. Forma parte del distritu llexislativu de la cadena Ralik de les Islles Márxal. Tien un total de 21 km² de tierra emerxío y enzarra una llaguna de 1.000 km². L'atolón de Bikini ta a unos 160 km.
 Atolón de Rongelap | |
|---|---|
 | |
| Alministración | |
| Protectoráu |  Nueva Guinea Alemana |
| País |  Islles Márxal |
| Tipu d'entidá | atolón |
| Xeografía | |
| Coordenaes | 11°19′N 166°47′E / 11.32°N 166.78°E |
  Atolón de Rongelap Atolón de Rongelap (Islles Márxal)  | |
| Superficie | 8 km² |
| Altitú | 3 m |
 | |
En 1945 l'aire llevó partícules radiactives de la primera preba nuclear, polo que los habitantes d'esti atolón foron evacuaos al de Kwajalein pa recibir asistencia médica. Pa dalgunos foi mui tarde. En 1957, permitióse tornar a los nativos hasta una segunda evacuación sofitaos por Greenpeace en 1985.
Historia editar
El primer avistamientu européu foi pol esplorador español Álvaro de Saavedra el 1 de xineru de 1528. Xunto colos atolones d'Utirik, Ailinginae y Toke llamólos Islles de los Reis por mor de la Epifanía. Catorce años más tarde visitólu Ruy López de Villalobos.
En 1884, l'atolón foi reclamáu pol Imperiu d'Alemaña xunto col restu de les Islles Márxal. Tres la Primer Guerra Mundial, la islla quedó baxo'l mandatu del Pacíficu Sur del Imperiu de Xapón. Col final de la Segunda Guerra Mundial, quedó baxo'l contro d'Estaos Xuníos como parte del Territoriu en fideicomisu de les islles del Pacíficu hasta la independencia de les Islles Márxal.
Impautu de les prebes nucleares editar
- 1946 La marina d'EE. UU evacua a los nativos del atolón de Bikini enantes de los ensayos nucleares.
- 1954 El 1 de marzu EE. UU detona una bomba d'hidróxenu de 15 megatones (Castle Bravo) nel atolón de Bikini como parte de la Operación Castle. La so fuercia foi alredor de 1.300 bombes como la d'Hiroshima. Los residentes en Rongelap dicen que vieron un segundu sol apaecer pel oeste y escucharon un truenu. L'aire tresportó la povisa radiactivo de Bikini a Rongelap. Como los habitantes nun fueron alvertíos bebieron agua contaminao y los nenos xugaron cola povisa. Esta esposición a la radioactividá provocó un decaimientu rápidu de la so salú con vómitos, piel amburiao (necrosis) y sede insaciable pola muerte celular nel tractu intestinal. Toos signos d'afeición por radiación γ.
- El 3 de marzu evacua a los nativos de Rongelap al atolón de Kwajalein. Munches de les persones irradiaes morrieron lenta y agonizantemente. A les dos selmanes los sobrevivientes comenzaron a sufrir los efeutos de la radiación beta: perda de cabello y desendolcu d'úlceres doloroses.
- 1963 Comiencen a apaecer los primeros tumores de tiroides, leucemia, albuertos involuntarios o nacimientos con malformaciones.
- 1985 El Rainbow Warrior realiza tres viaxes pa evacuar a la comunidá de Rongelap a Majetto, Ebeye y Kwajalein.
- 1986 Pa cubrir les reclamaciones por daños per radiación, el gobiernu d'Estaos Xuníos pagó 150 millones de dólares a les Islles Márxal.
- 1989 Estaos Xuníos determina que Rongelap ye seguru pa la so habitación.
- 2005 L'Alministración Bush determina que nun tien responsabilidá llegal pa ufrir una compensación adicional poles prebes.
- 2007 El Tribunal de Reclamaciones Nucleares da a los residentes de Rongelap una indemnización de más de 1.031 millones de dólares.
- 2009 El gobiernu d'Estaos Xuníos reafirma la so posición de que compensó satisfactoriamente a les víctimes de Rongelap.
Presente editar
Los resultaos que les prebes nucleares dexaron a los habitantes de Rongelap foron el de la muerte y la enfermedá. Munchos nativos morrieron y otros sufrieron enfermedaes mui graves.
Anguaño, les islles son inhabitables pola radiación presente y los sos habitantes tradicionales perdieron los sos nicios culturales, hogares ya independencia económica.
Referencies editar
Enllaces esternos editar
Wikimedia Commons acueye conteníu multimedia sobre Atolón de Rongelap 
.
Datos: Q542619- Multimedia: Rongelap Atoll
