Bandera d'Azerbaixán

Bandera d'Azerbaixán
Datos
Entidá	Azerbaixán
Fecha d'adopción	9 de payares de 1918 (105 años)
Proporción	2:1
Colores	azul claru (#00b5e2); bermeyu (#ef3340); verde (#509e2f); blancu (#ffffff)
Elementos representaos	creciente y estrella (es) ; media luna (es) (blancu); campo (es) (azul claru, bermeyu, verde); eight-pointed star (en) (blancu)
Diseñador	Ali bey Huseynzade

La bandera d'Azerbaixán (n'azerí: Azərbaycan bayrağı) ye una bandera horizontal tricollor compuesta por tres franxes, iguales n'anchor, de color azul, colloráu y verde, con una media lluna blanca y una estrella d'ocho puntes nel centru. Esta bandera sustituyó a un diseñu anterior, el usáu pola República Socialista Soviética d'Azerbaixán. El azul de la bandera simboliza la herencia túrquica del país, el colloráu representa'l progresu, y el verde representa l'Islam, la relixón mayoritaria nel país. Esta bandera foi usada la primer vegada que'l país foi independiente, dende'l 9 de payares de 1918 hasta 1929, y foi recuperada, con llixeros cambeos, el 5 de febreru de 1991, día nel que la bandera tricolor (Üçrəngli Bayraq) convirtióse na oficial del país.

El diseñu de la bandera, que ye mencionada dos vegaes nel himnu nacional del país, aparez recoyíu na so constitución. Los sos usos son: en tierra, como bandera civil, d'estáu y de guerra; y na mar, como bandera civil, d'estáu y naval, amás de como bandera de proba. La bandera ye tamién oficial na República Autónoma de Naxçıvan, un esclave del país. Un decretu nacional del presidente Ilham Aliyev, de 17 de payares de 2009, declaró'l 9 de payares, día nel qu'esta bandera foi adoptada como bandera nacional de la República Democrática d'Azerbaixán, como Día de la Bandera Nacional.

Banderes históriques editar

L'actual bandera usóse por primer vegada en 1918, cuando Azerbaixán algamó la independencia del Imperiu rusu, demientres la Revolución y la posterior guerra civil. Esta bandera, estremada de l'actual namái nel tamañu y la posición de la media lluna y la estrella, foi oficial hasta que, en 1920, Azerbaixán foi incorporada a la Xunión Soviética. De magar, adopta una bandera collorada cola inscripción ACCP, les sigles n'alfabetu cirílicu de la República Socialista Soviética d'Azerbaixán, na esquina superior izquierda, acompangaes d'una estrella de cinco puntes qu'encierra una foz y un martiellu. En 1937 queden soles la foz y el martiellu, y embaxu d'elles les sigles AzSSR, que correspuenden a les iniciales del nome de la república n'alfabetu llatín. En 1952, el 7 d'ochobre, camuda otra vuelta'l diseñu, desapaeciendo les iniciales y añadiéndo-y una franxa azul nel estremu inferior pa estremala de la de la Xunión Soviética.

De xunu a payares de 1918
De payares de 1918 a abril de 1920 (República Democrática d'Azerbaixán)
De 1920 a 1921
De 1921 a 1922
1922
De 1922 а 1936
De 1937 a 1939
De 1939 a 1952
De 1952 a 1991 (RSS d'Azerbaixán)
De magar 1991.

Referencies editar

Enllaces esternos editar

Bandera d'Azerbaixán en Flags of the World