Bandera de Liechtenstein

Bandera de Liechtenstein
Datos
Entidá	Liechtenstein
Fecha d'adopción	ochobre de 1921 (Error d'espresión: Pallabra "ochobre" non reconocida. años)
Proporción	5:3
Usu
Colores	azul, bermeyu y oru
Elementos representaos	campo (es) (azul, bermeyu); corona (oru)

La bandera de Liechtenstein ta compuesta de dos bandes horizontales d'igual tamañu, una azul (enriba) y otra bermeya (embaxo), cola birreta xermánica del Príncipe de Liechtenstein representada d'oru na parte más cercana al mástil de la banda azul. Les colores de la bandera tán tomaos de les colores de la llibrea de la casa real del Principáu nel sieglu XVIII. La corona añádese en 1937 dempués de que l'equipu olímpicu de Liechtenstein afayara nos Xuegos Olímpicos de 1936 que la bandera del so país yera idéntica a la d'Haití. El diseñu de la birreta modificóse llixeramente en 1982.

Historia editar

Liechtenstein formóse en 1719 como principáu dientro del Sacru Imperiu Romanu Xermánicu y llogró la so independencia completa en 1866.^[1] Dientro d'esti periodu, escoyéronse les colores azul y bermeyu pa qu'apaecieren na bandera, en llugar del oru y el colloráu del escudu d'armes que s'emplegaría davezu. Estos nuevos colores de llibrea fueron utilizaos per primer vegada pol príncipe Joseph Wenzel I en 1764.^[2]

Una nueva constitución para'l Principáu foi formulada y proclamada n'ochobre de 1921.^[3]^[2] Fixo de la bandera azul y colorao la bandera nacional otorgándo-y "estatus oficial".^[2] Quince años dempués, mientres los Xuegos Olímpicos de Branu de 1936, el país diose cuenta de que la so bandera yera idéntica a la bandera d'Haití, a pesar de qu'Haití nun participó nos Xuegos Olímpicos d'esi añu. Por cuenta de esti afayu, el gobiernu amestó la corona del príncipe al cantón.^[2]^[4]^[5] Esti cambéu tuvo dos propósitos: significar la posición de Liechtenstein como principáu y estremar la so bandera de la d'Haití.^[5]^[6] Esti diseñu modificáu foi adoptáu'l 24 de xunu de 1937.^[6]