Barranquilla ye una ciudá del norte de Colombia. La ciudá, capital del municipiu homónimu y del departamentu Atlántico, ye la única ciudá d'América del Sur que tuvo poblada primero de la so fundación oficial. Barranquilla, asitiada cerca del mar Caribe, ye'l principal puertu de la Rexón Caribe, y tien una población de 1 274 250 hab. (2015)[1]; esto conviértela na cuarta ciudá más poblada de Colombia. Barranquilla ta estratéxicamente asitiada cerca del delta del ríu Magdalena, a 7,5 km de la so desembocadura nel mar Caribe. Esto permíte-y ser al tiempu un puertu válidu pal tresporte marítimu y pal fluvial hacia l'interior de Colombia. Ye, amás, el principal centru industrial, cultural, educativu y de compres de la rexón Caribe. Ye, tamién, la ciudá central del área metropolitana de Barranquilla, que compriende'l municipiu homónimu y los de Soledad, Galapa, Malambo y Puerto Colombia.

Barranquilla
Alministración
PaísBandera de Colombia Colombia
Departamentu Atlántico
Tipu d'entidá conceyu de Colombia
Alcalde de Barranquilla Jaime Pumarejo
Nome oficial Barranquilla (es)
Nome llocal Barranquilla (es)
Códigu postal 08000
Xeografía
Coordenaes 10°59′00″N 74°48′07″W / 10.9833°N 74.8019°O / 10.9833; -74.8019
Barranquilla alcuéntrase en Colombia
Barranquilla
Barranquilla
Barranquilla (Colombia)
Superficie 154 km²
Altitú 18 m
Llenda con Sitionuevo, Puerto Colombia, Galapa y Soledad
Demografía
Población 1 274 250 hab. (2015)
Porcentaxe 46.81% de Atlántico
2.6% de Colombia
Densidá 8274,35 hab/km²
Más información
Fundación 7 abril 1813
Prefixu telefónicu 5
Estaya horaria UTC−05:00
Llocalidaes hermaniaes
barranquilla.gov.co
Cambiar los datos en Wikidata

La fecha de fundación oficial de la ciudá de Barranquilla ye'l 7 d'abril de 1813, magar que ta habitada dende polo menos 1629. Nel sieglu XX medró enforma al tiempu que la importancia del so puertu, nel qu'alcontraron refuxu munchos inmigrantes europeos demientres y dempués de les dos guerres mundiales. Convirtióse nel principal puertu del país, y entamó a ser conocida, pol so gran nivel d'industrialización y modernidá, como La Puerta de Oro de Colombia; na década de 1940 yera la segunda ciudá del país, y una de les urbes más modernas d'América del Sur y el Caribe. Sicasí, nos años posteriores la corrupción xeneralizada de l'alministración pública fizo decayer el so nivel de vida, y a midida que'l gobiernu nacional aumentó les sos inversiones notres ciudaes, la posición de Barranquilla nel conxuntu'l país foi debilitándose.

Na ciudá celébrase ún de los más importantes festivales culturales de Colombia, el Carnaval de Barranquilla, declaráu Patrimoniu Cultural de la Nación pol congresu colombianu en 2001 y reconocíu pola Unesco en 2003 como parte del Patrimoniu Cultural Inmaterial de la Humanidá[2]. El so aeropuertu internacional Ernesto Cortissoz, construyíu en 1919, foi'l primer aeropuertu d'América del Sur.

Llocalidaes hermaniaes

Les ciudaes hermaniaes con Barranquilla son:

Referencies editar

Enllaces esternos editar