Una berlina[1] ye un tipu de carrocería típica d'un automóvil de turismu. Ye un trés volumes nel que la tapa del maleteru nun inclúi'l vidriu traseru, polo qu'ésti ta fixu y el maleteru ta dixebráu de la cabina. El maleteru estiéndese horizontalmente dende la parte inferior del vidriu traseru delles decenes de centímetros escontra tras. La cantidá de puertes ye la de les puertes llaterales, práuticamente siempres dos o cuatro.

Berlina
tipo de carrocería (es) Traducir
automóvil
Cambiar los datos en Wikidata

Los sedanes de dos puertes son denominaos en dellos países como coach en cuantes qu'en otros llámase-yos coupé (magar ye d'una manera un pocu errónea).

Ventayes del sedán editar

Un sedán ye estructuralmente más bono de resolver qu'otres carroceríes, una y bones la separación ente volumes fai que la carrocería sía más ríxida. Esto yera especialmente ciertu cuando los sedanes nun teníen asientos traseros abatibles, yá que había una mampara tresversal ríxida detrás d'estos. Sicasí, dende l'apaición del Ford Orion en 1983, espublizáronse los asientos traseros abatibles.

Como'l voladizu traseru ye mayor que nun hatchback, el maleteru suel ser enforma mayor nun sedán, asemeyándose al d'un liftback o un familiar.

Comparancia ente'l volume del maleteru d'automóviles con carrocería sedán con al respective de la versión de cinco puertes (hatchback o liftback) de la que deriven (publicada nel númberu 1290 de la revista Autopista, abril de 1984):
  • Volkswagen Santana, 12% más que'l Volkswagen Passat.
  • Opel Ascona Sedan, 13% más que Opel Ascona.
  • Talbot Solara, 15% que'l Talbot 150.
  • Renault 9, 15% más que'l Renault 11.
  • Ford Orion, 20% más que'l Ford Escort.
  • Fiat Regata, 28% más que'l Fiat Ritmu.
  • Lancia Prisma, 42% más que'l Lancia Delta.
  • Renault 7, 46% más que'l Renault 5.
  • Opel Corsa TR, 47% más que Opel Corsa.
  • Volkswagen Jetta, 50% más que Volkswagen Golf.

Desventaxes del sedán editar

Como percima de la tapa del maleteru queda una zona al campu, esi espaciu se desperdicia y mengua el so aprovechamientu, sobremanera comparáu con automóviles con portón traseru bien vertical. Amás, debíu al vidriu traseru fixu, el buecu pa introducir y retirar oxetos ye más pequeñu que n'automóviles con portón traseru.

Los sedanes na sociedá editar

Na mayoría de los países, los sedanes tán psicolóxicamente venceyaos con automóviles d'alta gama, ente qu'en delles rexones los vehículos hatchback son consideraos baratos ya inferiores a los autos sedanes. Coles mesmes, en dellos países, los sedanes son los automóviles de representación de los dignatarios y otres personalidaes públiques.

Sicasí, hai sedanes de too tamañu y a un preciu accesible; pa los mercaos d'autos de flotilla o d'usu continuu, como por casu taxis, patrulles y vehículos de serviciu públicu y xeneral, siendo modelos atrasaos de los vehículos recién; esto como forma d'amenorgar el costo d'adquisición a los propietarios, anque tamién pueden ser una suerte de vehículu fiable y accesible con meyor apariencia pa una persona o familia de clase media, según un llenzu en blancu pa los aficionaos al tuning.

Referencies editar

Ver tamién editar

Otros tipos de carrocería son: