Bogotá[3], oficialmente Bogotá, Distrito Capital (abreviáu Bogotá, D.C.), y nomada anteriormente, demientras la época de dominiu español y dende 1991 a 2000 Santa Fe de Bogotá, ye la capital y ciudá más poblada de Colombia, con 7 743 955 habitantes (2020)[4][5]. Forma, dende'l puntu de vista alministrativu, un distritu, una entidá territorial de primer orden del mesmu estatus que los departamentos del país. Ye'l centru políticu, económicu, alministrativu ya industrial de Colombia.

Bogotá
Bandera de Bogotá (es) Traducir escudo de Bogotá (es) Traducir
Alministración
PaísBandera de Colombia Colombia
Departamentu Cundinamarca
Tipu d'entidá capital
Alcalde de Bogotá Claudia López Hernández
Nome oficial Bogotá (es)
Nome llocal Bogotá (es)
Códigu postal 11
Xeografía
Coordenaes 4°36′35″N 74°04′54″W / 4.60971°N 74.08175°O / 4.60971; -74.08175
Bogotá alcuéntrase en Colombia
Bogotá
Bogotá
Bogotá (Colombia)
Superficie 1578 km²
Altitú 2582 m[1]
Llenda con Cota, Soacha, Chía, Funza y Mosquera
Demografía
Población 7 743 955 hab. (2020)
Porcentaxe 100% de Cundinamarca
15.78% de Colombia
Densidá 4907,45 hab/km²
Xentiliciu bogotanu (masculín singular)[2]
bogotana (femenín singular)[2]
bogotano (xéneru neutru)[2]
Más información
Fundación 6 agostu 1538
Prefixu telefónicu 1
Estaya horaria UTC−05:00
Llocalidaes hermaniaes
bogota.gov.co
Cambiar los datos en Wikidata

Foi fundada, como capital del Nuevu Reinu de Granada, en 6 d'agostu de 1538 pol conquistador español Gonzalo Jiménez de Quesada, tres d'una abegosa espedición a los Andes pa conquistar el territoriu de los muiscas. Estos yeren los habitantes indíxenes de la rexón, y nomaben al asentamientu que foi refundáu polos españoles el nome de Bacatá, qu'en llingua chibcha significa "la Señora de los Andes". Andes, pela so parte, ye una pallabra aymará que significa "montaña brillante", polo que'l nome de la ciudá significa "la Señora de la montaña brillante". Tres de la batalla de Boyacá, el 7 d'agostu de 1819, Bogotá convirtióse na capital de la nueva nación independiente nomada Gran Colombia. La ciudá tien sío ininterrumpidamente, dende la fundación del Virreinatu de Nueva Granada en 1717, la capital d'esti territoriu.

La ciudá asítiase nel centru de Colombia, núna meseta nomada sabana de Bogotá, que forma parte del Altiplanu Cundaboyacense, na Cordelera Oriental, que forma parte de los Andes. Ye la tercera capital situada a más altor d'América del Sur y del mundu, 2.640 m sobro'l nivel de la mar. El distritu tien una estensión de 1.587 km², y un clima relativamente frío constante a lo llargo del añu.

La ciudá agospia les instituciones de los poderes executivu (Oficina del Presidente), llexislativu (Congresu de Colombia) y xudicial (Tribunal Supremu, Tribunal Constitucional, Conseyu d'Estáu y Conseyu Superior de la Xudicatura) del gobiernu colombianu. Bogotá rescampla pola so fortaleza económica y la madurez del so sector financieru, el so atractivu pa les compañíes multinacionales y pola cualificación del so capital humanu. Ye'l centru comercial y financieru del país, y ye la sé del principal mercáu financieru del país y de tola rexón andina, y ye'l destín preferíu de los nuevos proyeutos d'inversión estranxera qu'aporten a Colombia y toa América Llatina. El so productu interior brutu ye'l mayor del país, y representa por sigo mesmu'l 24,7% del PIB nacional.

El so aeropuertu internacional El Dorado, nomáu n'honor de la mítica ciudá, ye'l que más mercancíes mueve d'América Llatina, y el terceru pol númberu de pasaxeros. Na ciudá tán tamién el mayor númberu d'universidaes y centros d'investigación del país, y hai tamién bayura d'equipamientos culturales: teatros, biblioteques, museos... Ye considerada una ciudá global Alpha -.

Llocalidaes hermaniaes

Les ciudaes hermaniaes con Bogotá son:

Referencies editar

Enllaces esternos editar