Bordura
N'heráldica, llámase bordura a la pieza honorable qu'arrodia l'interior del escudu por tolos sos llaos. El so anchor equival a un sestu de la del total del escudu.
La bordura ye, dempués del lambel, una de les pieces heráldiques más utilizaes como brisura pa estremar los blasones de distintes cañes pertenecientes a un mesmu llinaxe o distintes armeríes dientro d'una mesma caña.
La bordura que'l so grosez ta amenorgáu, ye conocida como filiera. La pieza qu'arrodia l'interior del escudu, pero ensin tocar los sos cantos, recibe'l nome de orla. La bordura ye símbolu de proteición, favor y pagu.
La bordura ye una concesión particular del rei d'España, polo cual ye más común vela en munches families d'estos reinos onde nun se repara con rigor el tomala por brisura o pieza de distinción de les armes simples d'una familia ente los fíos d'ella, que ye la so significación más xeneral. Y en esti sentíu usar Felipe V como duque d'Anjou, poniéndola por brisura que ye la diferencia nes armes d'unu de los fíos de la casa real de Francia a la manera que cada unu d'ellos estrémase ente sigo con otres brisuras diverses. La bordura, nun siendo brisura, ye símbolu de proteición, de favor y de pagu sirviendo como de reparu a aquellos que quieren los príncipes asegurar nel so favor contra los sos enemigos, anque d'antiguo nun representaba otra cosa que la cota d'armes del caballeru, concediéndose esta pieza d'honor a los esforciaos guerreros que sacaben del combate enllordiáu'l so vistíu o cota d'armes del sangre de los enemigos.[1]
Como atributu heráldicu, la bordura recibe distintes calificaciones como componada, denticulada, cortada, cuartelada, escacada, jironada, partida, terciada, bordura en perlla o bordura de pieces.
Ver tamién editar
Referencies editar
- ↑ Tratáu d'heráldica y blasón, Francisco Piferrer, 1858
