Brfxxccxxmnpcccclllmmnprxvclmnckssqlbb11116

Brfxxccxxmnpcccclllmmnprxvclmnckssqlbb11116 (pronunciáu «Albin») foi'l nome qu'intentaron poner, en mayu de 1996, los padres d'un neñu suecu que naciera en 1991. La intención yera protestar contra la llei sueca de nomes (Namnlag [1982:670]), que indicaba que «Los nomes de pila nun van ser aprobaos si considérense ofensivos o incómodos pa quien lo usa, o nomes que por razones obvies nun fueren aptos como nomes de pila».

Los padres —Elizabeth Hallin y Lasse Diding— entamaren nun rexistrar llegalmente el nome del so fíu, pero una corte del distritu de Halmstad, al sur de Suecia, multar con 5000 corones sueques (unos 550 €), por non cumplir cola obligación de rexistrar el nome del neñu antes del quintu aniversariu de la so nacencia. Como respuesta a la decisión xudicial, los padres unviaron un nome de 43 calteres, incluyíos 5 díxitos y afirmaben que correspondía a una vivencia asocedida mientres l'embaranzu: «Un desenvolvimientu espresionista que visionamos como una creación artística». Los padres suxurieron que'l nome tenía de ser entendíu nel espíritu de la patafísica. La corte refugó'l nome y caltuvo la multa.

Entós, los padres trataron de camudar el nome por «A» (tamién pronunciáu «Albin») en llugar de Brfxxccxxmnpcccclllmmnprxvclmnckssqlbb11116. De nuevu, la corte nun aprobó les idees de los padres pa l'atribución del nome, yá qu'en Suecia ta prohibíu tener un nome d'una sola lletra.

Nel so primer pasaporte, el neñu foi llamáu «Icke namngivet gossebarn», que significa «neñín ensin nome».

Ver tamién

• Llanfairpwllgwyngyllgogerychwyrndrobwllllantysiliogogogoch
• Taumatawhakatangihangakoauauotamateaturipukakapikimaungahoronukupokaiwhenuakitanatahu
• Krungthepmahanakornamornratanakosinmahintarayutthayamahadilokphopnopparatrajathaniburiromudomrajaniwesmahasatharnamornphimarnavatarnsathitsakkattiyavisanukamprasit
• Llagu Chargoggagoggmanchauggagoggchaubunagungamaugg

Enllaces esternos

• Skatteverket.se (rexistru de población en Suecia).