Capricorniu
| Capricorniu | |
| |
| Abreviatura | Cap |
| Símbolu | 
|
| Significáu | El mueyu, la cabra |
| Xenitivu | Capricorni |
| Ascensión reuta | 21 h |
| Declinación | -20° |
| Visible pa llatitúes | Ente+60° y -90° |
| Meyor visible en/n' | Setiembre |
| Númberu d'estrelles con magnitú aparente < 3 |
1 |
| Estrella más rellumante - Magnitú aparente |
δ Cap (Deneb Algedi) 3,0 |
| Lluvia de meteoritos | |
| Constelaciones que llenden | |
Capricorniu ye una de les constelaciones del zodiacu.
Mitoloxía editar
Capricorniu representa a Amaltea metá cabra, metá pexe, que curió y alimentó a Zeus cuando ésti yera pequeñu. Confió-ylu Rea pa que lu protexese de so pá Cronos.
Según dalgunos yera una ninfa de l'Arcadia, pa otros una ninfa en forma de cabra. Amaltea y la so fía Adrastea, criáronlu con miel y lleche. Xorrecíen-y unos cuernos descomanaos qu'arramaben nectar y ambrosía, y cuando ún d'ellos frañó, llarárenlu de frutes pa ufrí-ylu a Zeus. Ye l'afamada Cuerna d'Amaltea, símbolu de bayura y dicha. Dende esti socesu, Zeus allugóla nuna de les constelaciones del cielu.
Otra versión del mitu de Capricorniu diz que Pan (Dionisiu), dios de los cazadores y pastores yera escorríu pola serpiente Tifón, y pa escapar arrebexose al ríu Nilu, convirtiéndose en pexe-cabra pela parte d'atrás y en mueyu na otra. Zeus almiró esta engatada y xubiólu a los cielos.
Observación editar
- Tau Cap. Binaria visual.
- M75 (NGC 6864). AR: 20h 06m 06.0s Dec: -21°55'00" (Añu 2000). A 7º al suroeste de beta Cap. Cúmulu globular ricu de magnitud 8 visible con prismásticos. Alcuéntrase a 60.000 años lluz del sol.
- M30 (NGC 7099). AR: 21h 40m 24.0s Dec: -23°11'00" (Añu 2000). Cúmulu globular más prominente de la constelación, afáyase a 4º al sureste de Zeta Cap. Allúgase a 26.000 años luz del sol.
|
Astronomía | Constelaciones del Zodiacu | Astroloxía |
|
Aries |
Referencies editar
Enllaces esternos editar
Wikimedia Commons tien conteníu multimedia tocante a Capricorniu.
Datos: Q10535- Multimedia: Capricornus (constellation)
