Castiellu de San Martín

El Castiellu de San Martín ta asitiáu nel conceyu asturianu de Sotu'l Barcu.

Castiellu de San Martín
Castiellu
Llocalización
País España
Autonomía Principáu d'Asturies
Provincia provincia d'Asturies
Conceyu Sotu'l Barcu
Cambiar los datos en Wikidata

Descripción editar

Esti castiellu ta edificáu o reconstruyíu sobre una fortaleza de la dómina Romana, que de la mesma s'asitia sobre un establecimientu castreñu. Esti escepcional xacimientu arqueolóxicu foi escaváu na década de 1990, anque desafortundamente nun se publicaron como tuviera de ser los resultaos d'aquelles campañes.

Sí conocemos, por diversos datos aisllaos, que'l xacimientu tien ocupaciones de la primera y segunda edá del Fierro; de dómina romana y altomedieval. Sobre estos últimos horizontes asítiase yá'l castiellu.

El castiellu consta d'una torre de planta cuadrada y tres pisos, con cinxíes saeteras, ensin cubierta y rematada en 16 almenes, xuníes los angulares. Tou ello apaez arrodiáu d'una cerca que llega hasta la vera del ríu Nalón, y que n'otres dómines incluyía diverses construcciones como la ilesia de San Martín.

Anguaño, el castiellu presenta a la so alredor edificaciones del sieglu XIX qu'inclúi una vivienda con galería en voladizu en tola parte cimera, de madera y acristalada, balaustrada, fonte y área axardinada.

Referencies editar

Enllaces esternos editar