Centru de conexón
Un centru de conexón (n'inglés hub) ye un aeropuertu qu'una aereollinia usa como puntu de tresferencia pa cubrir los sos destinos. La so utilidá deriva del "modelu cubu-rayo" (en referencia a la rueda de la bicicleta), onde los pasaxeros que viaxen ente aeropuertos que nun son sirvíos por vuelos direutos camuden d'aeronave camín al so destín.
Carauterístiques editar
Dalgunes aereollinies quiciabes usen un únicu centru de conexón, ente qu'otres tienen múltiples centros de conexón. Los centros de conexón son utilizaos tantu pal tresporte aereu de pasaxeros como tamién pal tresporte de cargues.
Munches aereollinies tamién utilicen ciudad foco (del inglés "focus city"), que funcionen básicamente como centros de conexón, pero con menor cantidá de vuelos. Tamién utilicen el términu centro de conexón secundariu, un términu non téunicu pa grandes ciudaes focu. Exemplos inclúin a British Airways nel Aeropuertu de Mánchester y US Airways nel Aeropuertu Internacional de Pittsburgh.
Dalgunos de los más importantes centros de conexón de les mayores aereollinies del mundu son conocíos como centru de conexón "fortaleza"; tales aeropuertos tán xeneralmente apoderaos por una única aereollinia, que puede ser responsable de más del 70% del tráficu aereu del centru de conexón "fortaleza". Exemplu d'ellos inclúin Northwest Airlines y el so centru de conexón nel Aeropuertu Internacional de Minneapolis-Saint Paul, Delta Air Lines y el so centru de conexón nel Aeropuertu Internacional Hartsfield-Jackson y American Airlines col so centru de conexón nel Aeropuertu Internacional de Dallas-Fort Worth. Dalgunos sostienen que la esistencia de tales centros de conexón pueden esaniciar la competencia, como asocedió cola batalla de ProAir contra Northwest; el fechu de que ProAir operó namái por un curtiu periodu nel Aeropuertu de Detroit ye de cutiu citáu como exemplu. Northwest Airlines foi capaz d'imponese a l'aereollinia de baxu costu igualando los sos precios y ufiertando vuelos más frecuentes.
N'Europa, exemplos de tales aeropuertos son l'Aeropuertu de Schiphol para KLM, l'Aeropuertu de Heathrow para British Airways, l'Aeropuertu Charles de Gaulle para Air France l'Aeropuertu de Frankfurt para Lufthansa o'l Aeropuertu de Madrid-Barajas para Iberia.
En Centroamérica un exemplu ye'l Aeropuertu Internacional de Tocumen en Panamá, centru d'operaciones de l'aereollinia panamiega Copa Airlines, miembru de Star Alliance, y que coneuta a dichu aeropuertu con más de 73 destinos en 30 países.Tamién s'atopa'l Aeropuertu Internacional d'El Salvador que sirve como hub p'Avianca .
En Suramérica ye exemplu'l Aeropuertu Internacional Jorge Chávez en Lima, Perú, centru d'operaciones pa les aereollinies LATAM y Avianca, tamién l'Aeropuertu Internacional El Dorado en Bogotá, Colombia, centru d'operaciones pa l'aereollinia Avianca y l'Aeropuertu Internacional de Tocumen en Ciudá de Panamá que sirve como hub pa l'aereollinia COPA.
Referencies editar
Enllaces esternos editar
Wikimedia Commons tien conteníu multimedia tocante a Centru de conexón.
Datos: Q4811588
