Civitavecchia ye una ciudá y conceyu italianu allugáu na Ciudá metropolitana de Roma Capital, na rexón de Laciu. Ye un puertu del mar Tirrenu que queda a 80 quilómetros al noroeste de Roma. El puertu ta formáu por dos bastiones y un ruempefoles, con un faru nesti postreru.

Civitavecchia
Alministración
PaísBandera d'Italia Italia
RexónBandera de Laciu Laciu
Ciudá metropolitana Ciudá metropolitana de Roma Capital
Tipu d'entidá comuña d'Italia
Nome oficial Civitavecchia (it)
Nome llocal Civitavecchia (it)
Códigu postal 00053
Xeografía
Coordenaes 42°06′N 11°48′E / 42.1°N 11.8°E / 42.1; 11.8
Civitavecchia alcuéntrase n'Italia
Civitavecchia
Civitavecchia
Civitavecchia (Italia)
Superficie 73.74 km²
Altitú 4 m
Llenda con
Demografía
Población 51 653 hab. (1r xineru 2023)
Porcentaxe 1.22% de Ciudá metropolitana de Roma Capital
0.9% de Laciu
0.09% de Italia
Densidá 700,47 hab/km²
Más información
Prefixu telefónicu 0766
Estaya horaria UTC+01:00 (horariu estándar)
UTC+02:00 (horariu de branu)
Llocalidaes hermaniaes Belén, Ishinomaki, Nantong y Tivat
comune.civitavecchia.rm.it
Cambiar los datos en Wikidata

Historia editar

La moderna ciudá foi alzada verdaderamente sobre otru asentamientu previu etruscu.

El puertu foi construyíu pol emperador Traxanu a empiezos del sieglu II. La primer mención del nome Centum Cellae ye una carta de Plinio el Mozu (añu 107). L'orixe del nome ye aldericáu: suxurióse que pudo referise a les centum ("cien") sales de la villa del emperador.

Equí morrió'l papa númberu 21 Santu Cornelio, por ser espulsáu de Roma y por ser cristianu, y zarrar en Civitacecchia y finó. Mientres l'Alta Edá Media, Centumcellae yera un baluarte bizantín. Prindáu polos sarracenos en 828, foi más tarde adquiríu polos Estaos Pontificios.

El llugar fixo puertu llibre sol papa Inocencio XII en 1696. El principal puertu de Roma na era moderna, foi ocupáu polos franceses en 1849. La llinia de ferrocarril ente Roma y Civitavecchia quedó inaugurada'l 16 d'abril de 1859.

Les tropes papales abrieron les puertes de la fortaleza al xeneral italianu Nino Bixio en 1870.

Mientres la Segunda Guerra Mundial, Civitavecchia quedó bien estropiada polos bombardeos aliaos.

El 13 de xineru de 2012, el cruceru Costa Concordia parte d'esti puertu. En menos de 3 hores impacta contra una roca y queda semihundido frente a la isla de Giglio con 32 muertos.

Xeografía editar

Clima editar

Civitavecchia tien un clima mediterraneu (Clasificación climática de Köppen Csa).

   Parámetros climáticos permediu de Civitavecchia  
Mes Xin Feb Mar Abr May Xun Xnt Ago Set Och Pay Avi añal
Temperatura máxima media (°C) 12.8 13.1 14.6 16.7 20.3 23.6 26.5 27 24.9 21.4 17 13.9 19.3
Temperatura mínima media (°C) 7.1 7.4 8.5 10.6 14.3 17.5 20.3 20.5 18.5 15.2 11.1 8.1 13.3
Precipitación total (mm) 94 71.1 50.8 53.3 43.2 17.8 10.2 25.4 55.9 83.8 88.9 71.1 665.5
Fonte: Intellicast[1]

Economía editar

Civitavecchia ye anguaño un puertu de cruceros y ferries, la principal conexón marítima del centru d'Italia con Cerdeña y Barcelona. La pesca tien una importancia secundaria.

La ciudá ye tamién la sede de dos centrales termoeléctriques. La conversión d'una d'elles a una de carbón fixo surdir protestes ciudadanes, pos se suxurió que podía crear gran contaminación.

Principales llugares d'interés editar

 
Forte Michelangelo.
  • El macizu Forte Michelangelo ("Fuerte de Michelangelo") foi encargáu a Bramante pol papa Xuliu II pa defender el puertu de los ataques pirates, y foi completáu en 1535 por Giuliano Leno y Antonio da Sangallo el Mozu, sol papa Pablo III. La parte cimera de la torre "maschio", sicasí, foi acabada por Miguel Ángel, quien dio'l so nome a la fotaleza. L'edificiu, que mide 100 x 82 m, tien cuatro torres con un diámetros de 21 m. La torre principal, de forma octogonal, tien llaos de 12 m. Les parés tienen un impresionante anchor de 6-7,6 metros. La fortaleza foi alzada sobre una antigua construcción romana, probablemente les barraques de los classiarii ("marineros") de l'Armada Imperial.
  • La Rocca ("castiellu"), reconstruyida nel sieglu XV pol papa Sixto V. Un Palaciu Apostólicu foi añadíu por Pío IV nel sieglu XVI.
  • La catedral de San Franciscu d'Asís foi construyida polos franciscanos sobre una ilesia pequeña presistente de 1610. L'edificiu actual, con llinies barroques y neoclásiques, foi alzáu nel sieglu XVIII.

Al norte de la ciudá tán les Terme della Ficoncella, termes frecuentaes polos Civitavecchiesi y los romanos. El nome surde de les figales ente les distintes piscines.

Tresportes editar

Ferrocarril

Asitiada nel sur de la ciudá, dende la estación parten trenes escontra Roma, Nápoles, Pisa o Turín ente otros destinos.

Mar

Dende'l puertu de Civitavecchia parten delles rutes escontra Barcelona, Cerdeña, Sicilia o Túnez.

Evolución demográfica editar

Gráfica d'evolución demográfica de Civitavecchia ente 1861 y 2001
Fonte ISTAT - ellaboración gráfica de Wikipedia

Ciudaes hermaniaes editar

Ver tamién editar

Hai una Civitavecchia di Arpino na provincia de Frosinone (Lazio).

Referencies editar

  1. «Civitavecchia historic weather averages in Italy» (inglés). Intellicast. Consultáu'l 3 de xunu de 2009.

Enllaces esternos editar