La Comisión Europea representa’l poder executivu dientro de la Xunión Europea y defende los intereses de la organización nel so conxuntu. La Comisión propón la llexislación y les politiques al Parllamentu Européu y al Conseyu de la Xunión Europea o Conceyu de Ministros, que son les instituciones que llueu tienen que facer les lleis.

Comisión Europea
Marcu institucional de la Xunión Europea
Llocalización
Sede Bruxeles
Direición Bélxica
Historia
Fundación1r xineru 1958
Organigrama
Presidente Ursula von der Leyen (1r avientu 2019)
Participación empresarial
Organización matriz Xunión Europea
Filiales
Propietariu de
Forma parte de
Datos económicos
Emplegaos 32 399 (1r xineru 2019)
Varios
Premios
Web oficial
Cambiar los datos en Wikidata

La Comisión ta formada por 27 comisarios, ún por cada país. Los comisarios son elixíos por cinco años y son independientes de los gobiernos que los nomen, defenden los intereses de tolos europeos, non del so Estáu.

Comisión Europea.

Les decisiones son tomaes de forma colexada, ye dicir, la mayoría de los miembros tien qu'asumir lo que la mayoría decide, polo que tien qu'haber un ciertu alcuerdu.

El presidente de la Comisión Europea ye elixíu pol Conseyu Européu y el Parllamentu aceptalu o refugalu. Una vez elixíu impón a cada comisariu’l so cargu, cargos que se somenten a votación en bloque pol Parllamentu.

La institución fai proyeutos de llei, toma la iniciativa llexislativa, y el Conseyu de Ministros y el Parllamentu deciden si esi proyeutu va convertise nuna llei europea o non.

Amás, la Comisión vela pol cumplimentu del drechu comunitariu, sancionando o denunciando, y tamién tien el deber de desendolcar les llei europees.

Referencies editar

Enllaces esternos editar