Corporación de Radio e Televisión de Galicia
La Corporación de Radio e Televisión de Galicia (CRTVG) ye un ente públicu con titularidá xurídica propia creáu pol Parllamentu de Galicia nel añu 1984 col oxetivu de poner en funcionamientu, xestionar y esplotar los medios de comunicación públicos de Galicia. Pa tal fin, asina como pa contribuyir a la normalización llingüística y cohesión social del territoriu gallegu, creáronse les sociedaes anónimes Televisión de Galicia S.A. y Radio Galega S.A. que cola so señal emiten pa tol territoriu de la comunidá.
| Corporación de Radio e Televisión de Galicia | |
|---|---|
organismo público en España (es)  | |
 | |
| Direición | España |
| Forma xurídica | sociedad anónima |
| Historia | |
| Fundación | 1984 |
| Participación empresarial | |
| Organización matriz |
Consejería de Presidencia, Administraciones Públicas y Justicia de la Junta de Galicia (es) |
| Web oficial | |
 | |
Historia editar
El primer gobiernu gallegu xurdíu de les eleiciones autonómiques de 1981 taba dividíu ente la constitución d'un mediu públicu gallegu, qu'entre otres coses trabayaría pa la normalización social de la llingua gallega, o l'apoyu económicu a medios privaos pal desendolcu d'este llabor. El conseyeru de Presidencia, Xosé Luís Barreiro Rivas, foi'l principal impulsor de la CRTVG, frente al vicepresidente José Manuel Romay Beccaría, partidariu de la opción privada. Cuando Romay Beccaria dexó'l Gobiernu gallegu, Barreiro comenzó a trabayar na Llei de Radio y Televisión que culminaría cola creación de la CRTVG, anque cola oposición d'un sector de AP y d'un sector del PSOE. Namái os nacionalistas do BNPG-PSG y EG taben totalmente d'alcuerdo cola creación del ente. Finalmente, el 11 de xunetu de 1984 foi aprobada la Llei de Creación de la Compañía de Radiotelevisión de Galicia[1]
La TVG ya la Radio Galega entamaren les sos emisiones en 1985, convirtiéndose esta última nel primer mediu radiofónicu n'emitir en llingua gallega la totalidá de la so programación.
Na actualidá, CRTVG xestiona les cadenes de radio Radio Galega, Radio Galega Música y Son Galicia Radio (DAB e TDT) y les canales de televisión TVG, tvG2, TVG Europa y TVG América, emitiendo les dos últimes por satélite. Además, TVG América emite tamién por TDT, metanes la canal tvG2 lo fia únicamente por TDT.
El so Conseyu d'Alministración ta compuestu por doce miembros elixíos para cada llexislatura pol Parllamentu de Galicia ente persones de acreditáu prestixiu profesional. La so misión ye centrase en velar pol cumplimiento de lo dispuesto na Llei de Creación de la Corporación, asina como n'aprobar aquelles materies qu'aposienten les directrices de funcionamientu de la entidá pública, como son la so programación, la memoria añal o el cuadru de personal y les normes reguladores d'emisión de publicidá.
La TVG y la Radio Galega cuenten con un conseyu asesor, que nun tien competencies decisories, sinón asesores. Ta compuestu por representantes ellexíos ente los trabayadores, xestores de los servicios públicos, representantes de l'Alministración Autónoma, el Conseyu de la Cultura Gallega, les universidades, el Parllamentu y les diputaciones provinciales.
La Direición Xeneral ye'l muérganu universal que tien la responsabilidá executiva. Ye nomáu pol Gobiernu de Galicia pa cada llexislatura. Les sos funciones son les de xestionar l'ente, asina como les sos sociedaes. Pa ello, cunta con un equipu téunicu, alministrativu y xurídicu enmarcáu na estructura de la Compañía. De la Direición Xeneral depeden tamién la Direición de Comunicación y Rellaciones Esternes.
Xunto a la Corporación de Radiotelevisión de Galicia y les sos dos sociedaes muévense anguaño un total de 671 trabayadores, de los qu'un 70% son homes y un 30% muyeres.
