Comuñes de Suiza

Les Comuñes (Conceyos) (n'alemán: Gemeinden; en francés: Communes; n'italianu: Comuni y en romanche: Vischnancas) son la entidá territorial básica y de menor nivel na división político-territorial de Suiza. Pa xineru de 2014, en Suiza esisten 2352 comuñes. Magar dalgunes cunten con namái dellos cientos d'habitantes, les ciudaes más grandes como Xinebra o Zúrich tamién tienen estatus llegal de comuña.

Les responsabilidaes de cada comuña (como educación, serviciu médicu, asistencia social, tresporte públicu y recaldación d'impuestos) son definíes pol gobiernu cantonal y varíen d'un cantón a otru. De manera xeneral, el gobiernu comuñal ta encabezáu por un Alcalde como xefe del executivu, cola cooperación d'un Conceyu abiertu, que s'encarga de les xeres llexislatives, anque pa estes funciones, les comuñes con mayor cantidá d'habitantes tienen la opción d'escoyer un Conceyu municipal.

En dellos cantones, déxase la participación política comuñal a los estranxeros que tengan ciertu tiempu residenciaos en Suiza. La ciudadanía suiza ta basada na ciudadanía comuñal. Cada suizu ye ciudadanu d'una o delles comuñes (por casu, la del so llugar d'orixe, Heimatort n'alemán o Lieu d'origine en francés).

La economía de cada comuña ta financiada por impuestos direutos (talos como l'impuestu sobre la renta), que les sos tases fluctúen nuna banda fita pol gobiernu del cantón.

Delles comuñes confronten dificultaes pa contratar los servicios que se riquir pa cumplir coles responsabilidaes riquíes pola comunidá. Como parte del esfuerciu p'amenorgar gastos, les comuñes pueden combinase pa crear entidaes especiales, como por casu distritos especiales. La creación de diches figures son fomentaes xeneralmente polos gobiernos cantonales y el so númberu amóntase a midida que la economía vuélvese más complexa.

Les Ciudaes (Städte o Villes) son comuñes que tienen más de 10.000 habitantes, o bien poblaciones más pequeñes que recibieron derechos medievales pa recibir el nome de "ciudá". Nun esiste una denominación específica pa comuñes más pequeñes (como por casu, "pueblos").

Distribución cantonal de les comuñes editar

El númberu de comuñes que pue tener un cantón ye pervariable y nun depende de la superficie nin del númberu d'habitantes. Pa xineru de 2009, la cantidá de comuñes por cantón ye la siguiente:

Cantón	Númberu de comuñes (2009)^[1]	Númberu de comuñes (2006)^[2]
Zúrich	171	171
Berna	392	398
Lucerna	88	97
Uri	20	20
Schwyz	30	30
Obwalden	7	7
Nidwalden	11	11
Glaris	25	27
Zug	11	11
Friburgu	168	168
Solothurn	125	125
Basilea-Ciudá	3	3
Basel-Landschaft	86	86
Schaffhausen	27	32
Appenzell Rodes Esteriores	20	20
Appenzell Rodes Interiores	6	6
Sankt Gallen	86	89
Grisones	200	207
Argovia	229	229
Turgovia	80	80
Tesinu	181	199
Vaud	375	381
Valais	143	153
Neuchâtel	53	62
Xinebra	45	45
Jura	64	83
Total	2.636	2.740

Distribución porcentual de Comuñes por cantidá d'habitantes editar

Población por comuña	Cantidá de comuñes (2006)^[3]	%
más de 20.000	30	1,1
10.000 - 19.999	89	3,2
5.000 - 9.999	180	6,6
1.000 - 4.999	1.025	37,4
500 - 999	555	20,3
menos de 500	861	31,4

Comuñes estremes editar

Les más poblaes editar

Comuña	Cantón	Habitantes (2009)^[4]	Habitantes (2006)^[3]
Zúrich	Zúrich	365.132	363.273
Xinebra	Xinebra	183.287	177.964
Basilea	Basilea-Ciudá	164.937	166.558

Les menos poblaes editar

Comuña	Cantón	Habitantes (2009)^[4]	Habitantes (2006)^[3]
Corippo	Tesino	18	22
Martisberg	Valais	20	27
Portein	Grisones	23	26

Les más estenses editar

Comuña	Cantón	Superficie (km²) (2009)^[5]	Superficie (km²) (2006)
Davos¹	Grisones	283,98	254,41
Bagnes	Valais	282,26	282,26
Anniviers²	Valais	242,95
Zermatt	Valais	242,69	242,69

¹Fusión de la comuña de Davos cola de Wiesen.
²Comuña creada de la fusión de les antigües comuñes d'Ayer (Valais), Chandolin, Grimentz, Sain-Jean, Saint-Luc y Vissoie.

Les menos estenses editar

Comuña	Cantón	Superficie (km²) (2009)
Rivaz	Vaud	0,31
Kaiserstuhl	Argovia	0,32
Gottlieben	Turgovia	0,33
Meyriez	Friburgu	0,34

Ver tamién editar

Referencies editar

↑ Llista oficial de les comuñes suizes (2009), p. 18 [1].
↑ Llista oficial de les comuñes suizes (2006), p. 18 [2].
↑ ^3,0 ^3,1 ^3,2 Llista oficial de les comuñes suizes (2006), p. 17 [3].
↑ ^4,0 ^4,1 .
↑ .

Enllaces esternos editar

Amtliches Gemeindeverzeichnis der Schweiz/Liste officielle des communes de la Suisse/Elenco ufficiale dei Comuni della Svizzera, 2006. Neuchâtel, 2006. ISBN 3-303-00334-3.

[1] Llista oficial de les comuñes suizes (2009), p. 18 [1].

[2] Llista oficial de les comuñes suizes (2006), p. 18 [2].

[autogenerated2-3] 3,0 ^3,1 ^3,2 Llista oficial de les comuñes suizes (2006), p. 17 [3].

[autogenerated1-4] 4,0 ^4,1 .

[5] .

[1]

[2]

[3]

[4]

[5]