Wikipedia

Constanza de Bretaña

Constanza de Penthièvre (12 de xunu de 1161 (greg.), Bretaña – 5 de setiembre de 1201, Nantes) foi duquesa hereditaria de Bretaña ente 1166 y 1201, y la condesa hereditaria de Richmond ente 1171 y 1201. Constanza yera la fía de Conan IV, duque de Bretaña y conde de Richmond, y de la so esposa Margarita de Huntingdon, condesa de Herford , hermana de los reis Malcolm IV y Guillermu I d'Escocia.

Constanza de Bretaña
Conde de Richmond (es) Traducir

20 febreru 1171 - 5 setiembre 1201
← Conan IV de Bretaña (es) Traducir - Arturo I de Bretaña (es) Traducir →
Duque de Bretaña (es) Traducir

31 xunetu 1166 - 5 setiembre 1201
← Conan IV de Bretaña (es) Traducir - Arturo I de Bretaña (es) Traducir →
Vida
Nacimientu Bretaña, 12 de xunu de 1161 (greg.)
Nacionalidá Bandera de Francia Francia
Muerte Nantes, 5 de setiembre de 1201 (40 años)
Sepultura Abbaye de Notre-Dame de Villeneuve-lez-Nantes (Le Bignon, Loire-Atlantique, France) (en) Traducir
Causa de la muerte fiebres puerperales (es) Traducir
Familia
Padre Conan IV de Bretaña
Madre Margarita de Huntingdon
Casada con Ranulf de Blondeville (es) Traducir
Godofredo II de Bretaña (es) Traducir (1181 (Gregorianu) – )[1]
Guy de Thouars (es) Traducir (1199 (Gregorianu) – )[1]
Fíos/es
Hermanos/es
Pueblu Ducáu de Penthièvre
Estudios
Llingües falaes francés
Oficiu feudataria
Creencies
Relixón cristianismu
Cambiar los datos en Wikidata

Reináu editar

El padre de Constanza, Conan IV, axuntara'l Ducáu de Bretaña en guerres con Enrique II d'Inglaterra. Dempués de les guerres con Enrique II, Conan IV enfrentó rebeliones de dellos nobles bretonos. Fixo una llamada d'ayuda a Enrique II pa encalorar les rebeliones. En 1166, como parte del so alcuerdu con Enrique II, en cuenta de l'ayuda del rei, Conan IV prometiera a la so fía y única heredera, pa casase con Godofredo Plantagenet, el cuartu fíu llexítimu d'Enrique II d'Inglaterra y Leonor d'Aquitania, y abdicó nel so favor. Enrique II tomó so la so custodia a la neña, y alministró Bretaña hasta que'l so fíu Godofredo tuviera l'abonda edá pa gobernar el ducáu.

En 1181, con venti años d'edá, Constanza foi obligada a contraer matrimoniu con Godofredo Plantagenet. En 1186, Godofredo foi apatayáu hasta la muerte nun accidente d'equitación mientres un tornéu en París. Constanza, a partir d'entós convirtióse na gobernante titular de Bretaña, anque tuvo que soportar les inxerencies ingleses en Bretaña.

Sicasí, el 3 de febreru 1188 0 1189, Enrique II d'Inglaterra iguó que Constanza casóse con Ranulfo de Blondeville, 6° conde de Chester, unu de los más poderosos condes d'Inglaterra. En 1191 el rei Ricardu I d'Inglaterra proclamó oficialmente al so sobrín, Arturo de Bretaña, el fíu de Constanza, como'l so herederu nun tratáu robláu con Felipe II de Francia.

Pa promover la posición y l'heriedu del so fíu Arturo, Constanza incluyó al nel gobiernu del ducáu en 1196. El matrimoniu de Constanza con Ranulfo deterioróse, cuando Ranulfo encarceló a Constanza no mesmo añu. Con Constanza prisionera, delles rebeliones fueron provocaes en Bretaña nel so nome. Ranulfo venció a la creciente presión y tuvo que lliberar a la duquesa en 1198. De regresu en Bretaña, Constanza tenía'l so matrimoniu anuláu.

Más tarde, en 1199 en Angers, Constanza tomó a Guido de Thouars como'l so siguiente maríu.

Ente 1199 y el momentu de la so muerte, nel partu de les sos fíes ximielgues, Constanza aconseyó al so fíu escontra una alianza con Francia, siguiendo la política del so difuntu maríu Godofredo II.

Muerte editar

Constanza morrió, a los 40 años d'edá, el 5 de setiembre de 1201 en Nantes. Foi soterrada na abadía de Villeneuve en Nantes.[3]

Les causes de la muerte de Constanza alderíquense. Dellos historiadores creen que morrió de llepra. Otros creen que morrió por entueyos de partu, pocu dempués de dar a lluz a les sos fíes ximielgues. Sicasí otros creen que al tener llepra, llevar a un partu difícil, y n'última instancia a la muerte pocu dempués de la nacencia de les ximielgues. Asina, tantu la llepra como'l partu son les posibles causes de la so muerte.[4]

Cuando Ricardu I morrió en 1199, Felipe II alcordó reconocer a Arturo como conde d'Anjou, Maine y Poitou, en cuenta de qu'Arturo xurara llealtá a Felipe II, convirtiéndose nun vasallu direutu de Francia. Sicasí, a los 13 años d'edá, Arturo foi prindáu mientres sitiaba Mirebeau, y al añu siguiente foi treslladáu a Rouen, al cargu de Guillermo de Braose, sumiendo misteriosamente n'abril de 1203. Tres la muerte de Constanza, pensóse qu'Arturo I pereciera en 1203 dempués d'un periodu de prisión per orde de Xuan I. Foi asocedíu pola so hermana de madre, la infanta Alix de Thouars. Guido de Thouars sirvió como rexente de Bretaña en nome de la so pequeña fía Alix, duquesa de Bretaña, dende 1203 a 1206. Mientres los conflictos con Xuan I, la fía mayor de Constanza, Leonor, foi prindada y encarcelada nel Castiellu de Corfe en Dorset, onde permaneció hasta la so muerte.

Familia editar

Guillermo, hermanu de Constanza editar

Como una muyer, Constanza nun podía heredar el ducáu dempués de la muerte del so padre si había un hermanu. Una carta estatutaria de Margarita de Huntingdon, madre de Constanza, paez indicar qu'ella y Conan había más qu'unu descendiente.[5]

Anque, dos cartes estatutaries de Constanza y el so fíu Arturo, fechos alredor 1200 mención un hermanu de Constanza, Guillermo “clericus”. Como un home, Guillermo debería heredar el ducáu dempués de Conan. Según la historiadora Judith Everard, Enrique II d'Inglaterra forzó a Conan a abdicar en 1166 pa evitar qu'un fíu di Conan heredara'l ducáu.[6]

La carta de Margarita podría ser una mención de Constanza y el so hermanu.

Descendencia editar

Constanza y Godofredo tuvieron trés fíos:

  1. Leonor de Bretaña (1182 o 1184[7]-1241)
  2. Mátilda[8][9](1185-ant 1189)
  3. Arturo I de Bretaña (1187-1203) - el fíu póstumu de Godofredo

Constanza y Guido tuvieron dos fíos:

  1. Alix de Thouars, (1200 – 1221) casóse con Pedro I de Bretaña, el primer gobernante Breton de la Casa de Dreux y
  2. Catalina de Thouars (1201 - 1237/1240), Dama de Vitré, casóse con Andrés III de Vitré dignu de mención pola reconstrucción del Castiellu de Vitré[10]

Segundu delles fontes, Constanza había una otra fía:[11]

  1. Margarita de Thouars (1201 - 1216/1220),[12][11][13][14][15][16][17][18][19] casóse con Godofredo I, vizconde de Rohan[20][21][15]

Referencies editar

  1. ↑ 1,0 1,1 Identificador de persona en The Peerage: p10215.htm#i102148. Data de consulta: 7 agostu 2020.
  2. ↑ 2,0 2,1 2,2 2,3 Afirmao en: The Peerage. Llingua de la obra o nome: inglés. Autor: Darryl Lundy.
  3. ↑ Joëlle Quaghbeur, La Cornouaille du IXe au XIIe siècle, PUR Rennes (2002) (ISBN 2 868477437) p. 367
  4. ↑ Que Constanza haya dando a lluz ximielgos, a la edá de cuarenta años, nes condiciones insalubres de la dómina, tien de tomase bien en cuenta nesti alderique. Na actualidá desconoz la fecha exacta de la nacencia de los ximielgos, y seique nunca se sepa, pue que nunca haya una solución a esta cuestión.
  5. ↑ Margarita de Huntingdon fixo una cesión poles almes di ella, del Duque Conan IV y “fíos nuesos” o “descendientes nostros” (“pro salute anime”… “puerorum”… “nostrorum”).
  6. ↑ Según Everard, el fechu que l'hermanu de Constanza llamábase Guillermo paez indicar que nun yera un fíu ilegitimo de Conan IV, porque Guillermo yera'l nome d'un hermanu de Margarita de Huntingdon. Everard, Judith (2000). Brittany and the Angevins: Province and Empire, 1158-1203. Cambridge University Press, 2000, p 43.
  7. ↑ Michael Jones, « Eleanor, suo xure duchess of Brittany (1182x4–1241)», Oxford Dictionary of National Biography, Oxford University Press, 2004 ; edición en llinia, xineru 2008.
  8. ↑ Dom Lobineau menta la esistencia de Matilde (Histoire de Bretagne, Palais Royal - Historia d'Inglaterra, el Palaciu Real, 1973, I, p. 171 CLIX).
  9. ↑ Malcolm A. Craig, « A Second Daughter of Geoffrey of Brittany », Historical Research, vol. 50, non 121 (mayu 1977), p. 112-115.
  10. ↑ Andrés III foi l'últimu miembru de la so familia en ser Señor de Vitré, que, dempués de la so muerte, pasó a manes de los condes de Laval.
  11. ↑ 11,0 11,1 Arthur Le Moyne de La Borderie, Histoire de Bretagne, Llibru terceru, p. 288
  12. ↑ Según los historiadores Dom Morice, Dom Charles Taillandiers, Prudence-Guillaume de Roujoux y Arthur Le Moyne de La Borderie, Constanza y Guido tuvieron una tercer fía, llamada Margarita.
  13. ↑ Pierre-Hyacinthe Morice, Histoire ecclésiastique et civile de Bretagne, Llibru primeru, p. 129 y 150
  14. ↑ Charles Taillandier, Histoire ecclésiastique et civile de Bretagne, Llibru segundu, p. IX
  15. ↑ 15,0 15,1 Prudence Guillaume de Roujoux, Histoire des rois et des ducs de Bretagne, Llibru segundu, p. 231
  16. ↑ Según los historiadores Pierre Daru y François Manet, Constanza y Guido tuvieron trés fíos, pero nun especifiquen los sos nomes.
  17. ↑ Pierre Daru, Histoire de Bretagne, Llibru primeru, p. 407
  18. ↑ François Manet, Histoire de la Petite-Bretagne, ou Bretagne Armorique, depuis ses premiers habitans connus, Llibru segundu, p. 308
  19. ↑ Margarita ye llamada la hermana de Pedro I de Bretaña. Este puede significar que Margarita yera la so hermana o la so cuñada (ver Medieval Lands.
  20. ↑ Medieval Lands
  21. ↑ Pierre-Hyacinthe Morice, Histoire ecclésiastique et civile de Bretagne, Llibru primeru, p. 129



Predecesor:
Conan IV 		Duque de Bretaña
1166 - 1201 		Socesor:
Arturo I de Bretaña



 
Sacáu de «https://ast.wikipedia.org/w/index.php?title=Constanza_de_Bretaña&oldid=4145352»