Crataegus monogyna
La espinera[2] (Crataegus monogyna) ye un árbol planicaducifoliu presente n'Asturies de forma natural perteneciente a la famila de las Rosaceae.
Crataegus monogyna espinera  | ||
|---|---|---|
 | ||
| Estáu de caltenimientu | ||
 Esmolición menor (IUCN 3.1)[1] | ||
| Clasificación científica | ||
| Superreinu: | Eukaryota | |
| Reinu: | Plantae | |
| Subreinu: | Tracheobionta | |
| División: | Magnoliophyta | |
| Clas: | Magnoliopsida | |
| Subclas: | Rosidae | |
| Orde: | Rosales | |
| Familia: | Rosaceae | |
| Subfamilia: | Amygdaloideae | |
| Tribu: | Maleae | |
| Xéneru: | Crataegus | |
| Especie: |
Crataegus monogyna Jacq. | |
| Consultes | ||
| Royal Botanic Gardens, Kew | Royal Botanic Gardens, Kew | |
| World Flora Online | World Flora online | |
| [editar datos en Wikidata] | ||
Etimoloxía editar
"Crataegus" provién del griegu "kratos" y significa "fuerte", probablemente faciendo referencia a la so madera. " Monogyna ", de "mono" = uno y "gynos" = pistilu, tocántenes a que tien un únicu estilu en cada flor.
N'asturianu recibe una bona riestra de nomes como aguaspineiru, biesca, espín, mayombal, prunera, corona de Cristu, escayu blancu, espineira, espinu, espinu cambrión, etc. que dan una bayura de topónimos estraordinaria.
Descripción y ecoloxía editar
La espinera llega midir d'ente 2 a 8 m d'altor y presenta una groma arredondiao. La fueya ye simple, peciolada, de llimbru tiangular y fondamente lobulada -con ente 1, 2 ó 3 segmentos-. Son percarauterístiques les flores a mou d'umbela. Florez d'iviernu a primavera danto unos frutos coloraos llamaos prunel en forma de recimu. Tienen un tastu dulce, anque son farinosos y daqué astrinxentes. Los sinónimos de prunel son abondosos: garamitu, mantequinos, mayuelu, peruya, aguaspín, etc.
Magar que tien indiferencia edáfica, amuesa cierta preferencia polos suelos básicos. Ye especie que suel formar xebes en terrenos llentos, allugándose ente los 150 m a los 1.700 m d'altitú. Ye mui carauterísticu nos mayaos de la Sierra del Sueve, La Pena L'Aramo, Sierra del Cuera, etc.
Etnobotánica editar
Los pruneles consumiéronse dende l'antigüedá, sobremanera en tiempos de fame, anque anguaño nun son mui conocíos pol so tamañu y tastu. Les flores sirven pa facer floritos, destacando por poseyer propiedaes tóniques, sedantes y cardiotóniques. D'otra miente, ye especie emplegada como patrón pa inxertar dellos frutales como la peral (Pyrus communis L.), el cadapanal (Mespilus germanica L.), etc.
Referencies editar
- ↑ http://oldredlist.iucnredlist.org/details/203426/0
- ↑ URL de la referencia: http://www.sabencia.net/nomenclator.php.
Enllaces esternos editar
Wikimedia Commons tien conteníu multimedia tocante a Crataegus monogyna.
Datos: Q161511- Multimedia: Crataegus monogyna
Especies: Crataegus monogyna
