Dean Jagger
Dean Jagger (7 de payares de 1903, Columbus Grove (es) 
y Lima – 5 de febreru de 1991, Santa Monica) foi un actor cinematográficu d'Estaos Xuníos, ganador d'un Óscar al meyor actor de repartu.[4]
Dean Jagger | |
|---|---|
 | |
| Vida | |
| Nacimientu |
Columbus Grove (es) y Lima, 7 de payares de 1903[1] |
| Nacionalidá |
 Estaos Xuníos |
| Llingua materna | inglés |
| Muerte | Santa Monica, 5 de febreru de 1991[1] (87 años) |
| Fíos/es | 1 |
| Estudios | |
| Estudios |
Wabash College (en) |
| Llingües falaes | inglés[2] |
| Oficiu | actor de teatru, actor de televisión, actor de cine, actor |
| Premios | |
| Nominaciones |
ver
|
| Xéneru artísticu | western |
| Creencies | |
| Relixón | Ilesia de Xesucristu de los Santos de los Últimos Díes[3] |
| IMDb | nm0415591 |
 | |
Carrera editar
El so nome completu yera Ira Dean Jagger, y nació en Columbus Grove (Ohio). Jagger debutó nel cine col filme The Woman from Hell (1929), actuando xunto a Mary Astor, convirtiéndose nun actor de calter d'ésitu, anque ensin aportar a una primer estrella, y actuando en cuasi 100 películes a lo llargo de tola so carrera.
A Jagger llegó-y el so gran oportunidá interpretando a Brigham Young nel filme Brigham Young (1940). Según George D. Pyper, consultor téunicu del filme, y que conociera personalmente a Brigham Young, Jagger non solo paecíase a Young, sinón que falaba como él y tenía munches de les sos peculiaridaes.
Jagger dempués fixo destacaos papeles en Western Union (1941), Sister Kenny (1946) y nel western de Raoul Walsh Pursued (1947).
Foi premiáu con un Óscar al meyor actor de repartu pol so papel en Twelve O'Clock High (1949), filme nel qu'interpretaba al Mayor Stovall, y nel cual tamién actuaba Gregory Peck. Jagger tamién trabayó na película bíblica The Robe (1953) encarnando al texedor Justus of Cana, y trabayando xunto a Richard Burton, ente otros intérpretes.
En 1954 interpretó a un xeneral retiráu na película musical de Bing Crosby y Danny Kaye White Christmas, y en 1955 foi un xérif en Bad Day at Black Rock, cinta empobinada por John Sturges.
Hubo discutiniu nel rodaxe del filme británicu de ciencia ficción de 1956 X the Unknown, pos l'actor negar a trabayar col direutor Joseph Losey, una y bones ésti atopábase na llista negra de Hollywood. Losey foi finalmente reemplazáu por Les Norman a los pocos díes d'empecipiáu'l rodaxe.
Jagger interpretó al padre d'Elvis Presley na película de 1958 King Creole, y trabayó con Jean Simmons nel aclamáu drama de 1960 Elmer Gantry, filme ganador de tres premios Óscar. En 1969 foi "The Highwayman" na película de John Huston La carta del Kremlin, y en 1971 trabayó en Vanishing Point.
Jagger tamién consiguió l'ésitu na serie televisiva Mr. Novak, siendo nomáu pola so actuación al Premiu Emmy en 1964 y 1965. Nesti mediu ganó un Emmy por This Is the Life. Amás, fixo docenes de papeles dramáticos pa la TV, ente ellos unu pal episodiu de Dimensión desconocida tituláu "Static." Nun capítulu de la serie Kung Fu Jagger actuó nel papel del güelu de Caine.
Nos sos últimos años Jagger fixo papeles en telefilmes como The Glass House (1972, ABC), con Alan Alda y Vic Morrow. Nesti casu'l guión yera de Truman Capote. En 1973 fixo otru telefilme, pilotu pa una prevista serie de ciencia ficción titulada "The Stranger", producción na que tamién actuaben Glenn Corbett, Lew Ayres y Cameron Mitchell.
Ente los sos últimos trabayos televisivos figuren los que fizo como artista convidáu en St. Elsewhere y en The Fugitive.
A Dean Jagger concedióse-y una estrella nel Paséu de la Fama de Hollywood, pol so trabayu cinematográficu, nel 1523 de Vini Street.
Vida personal editar
Na so mocedá, Jagger dexó la escuela en diverses causes enantes d'estudiar nel Wabash College, centru nel cual foi miembru de la fraternidá Lambda Chi Alpha. Tres ello trabayó como profesor, enantes d'entrar a estudiar interpretación nel Lyceum Art Conservatory de Chicago. Antes de trabayar per primer vegada nel cine en 1929, Jagger fixera teatru de repertoriu, vodevil y radio."[5]
En 1972 Jagger foi bautizáu como miembru de La Ilesia de Xesucristu de los Santos de los Últimos Díes.[6][7]
Dean Jagger finó en 1991 en Santa Monica (California), por causa de una enfermedá cardiaca. Foi soterráu nel Campusantu Lakewood Memorial Park de Hughson, California.
Referencies editar
- ↑ 1,0 1,1 Biblioteca Nacional de Francia. «autoridaes BNF» (francés). Consultáu'l 10 ochobre 2015.
- ↑ «idRef» (francés). Agencia Bibliográfica de Enseñanza Superior. Consultáu'l 2 mayu 2020.
- ↑ URL de la referencia: https://www.thechurchnews.com/1991/2/16/23260921/church-news-death-dean-jagger.
- ↑ Obituariu en Variety, 11 de febreru de 1991.
- ↑ http://www.allmovie.com/artist/dean-jagger-35003
- ↑ Famous Mormon Actors, Producers and Directors
- ↑ LDS Church News 12 de xunetu de 2003
Enllaces esternos editar
Wikimedia Commons acueye conteníu multimedia sobre Dean Jagger 
.- Dean Jagger na Internet Movie Database (n'inglés)
- Dean Jagger na Internet Broadway Database (n'inglés)
- Dean Jagger n'AllMovie (n'inglés)
- «Dean Jagger». en Find a Grave. (n'inglés)
Datos: Q471309- Multimedia: Dean Jagger
