Manoel Deodoro da Fonseca (5 d'agostu de 1827Marechal Deodoro – 23 d'agostu de 1892Barra Mansa (es) Traducir) foi un militar (mariscal) y políticu brasilanu, primer presidente de la República (1889-1891).

Deodoro da Fonseca
1. Presidente de Brasil

15 payares 1889 - 23 payares 1891
Pedru II de Brasil - Floriano Vieira Peixoto
gobernador de Rio Grande do Sul (es) Traducir

8 mayu 1886 - 9 payares 1886
Vida
Nacimientu Marechal Deodoro5 d'agostu de 1827[1]
Nacionalidá Bandera de Brasil Brasil
Llingua materna portugués
Muerte Barra Mansa (es) Traducir23 d'agostu de 1892[1] (65 años)
Sepultura cementerio de San Francisco Javier (es) Traducir
Familia
Madre Rosa Paulina da Fonseca
Casáu con Mariana da Fonseca
Estudios
Estudios Academia Militar das Agulhas Negras (es) Traducir
Llingües falaes portugués
Oficiu políticumilitar
Llugares de trabayu Brasilia
Premios
Serviciu militar
Cuerpu militar Exércitu Brasilano
Graduación Mariscal
Lluchó en Guerra de la Triple Alianza
Creencies
Partíu políticu políticu independiente
Cambiar los datos en Wikidata

Biografía editar

Xubió na carrera militar pol so heroísmu y bravura en combate, siendo, soldáu firme y cruel. Participó de la represión a la "Revolución Praieira" (na provincia de Pernambuco), al cercu a la ciudá de Montevidéu (Uruguái), y en munches batalles na Guerra de la Triple Alianza, progresando rápido. Foi presidente de la provincia de Rio Grande do Sul.

Deodoro ofendió al Imperiu por cuenta de les sos actitúes como presidente provincial de Rio Grande do Sul, mientres la llamada Cuestión Militar (ente militares descontentos dempués de la Guerra de la Triple Alianza, y el gobiernu del Imperiu). Como castigu foi unviáu a la Provincia de Mato Grosso, onde tuvo subordináu al coronel Cunha Matos. Humildáu y agafáu, volvió a Rio de Janeiro, llegando'l 13 de setiembre de 1889. Tuvo un papel significativu na revolución que derrumbó la monarquía dos meses dempués.

Presidencia constitucional editar

Primer presidente de Brasil, asumió provisionalmente el 15 de payares de 1889. El nuevu gobiernu empezó rápido a redactar nueves lleis, tantu ye, qu'antes del final de 1889, tol sistema políticu y alministrativu de la República yá taba creáu.

Surdieron los actuales Himnu Nacional y Bandera actual de Brasil. Deodoro foi electu primer presidente constitucional de Brasil, el 25 de febreru de 1891 pol Congresu Nacional, con 129 votos. Prudente de Morais llogró 97 votos, d'alcuerdu a la nueva Constitución Federal de 1891, pa un periodu de 4 años.

El so segundu mandatu foi consiguíu en gran midida gracies a la presión de los militares (especialmente del exércitu), contra la voluntá del sector civil y de delles partes de los militares. El 3 de payares de 1891, Deodoro quedó indignáu cola aprobación d'una llei que dexaba'l xuiciu políticu del presidente; de resultes, eslleió'l Congresu.

El gobiernu Deodoro da Fonseca foi desastrosu, amás d'autoritariu. La disolución del Congresu, la implantación del estáu de sitiu, la mala política financiera del ministru Rui Barbosa, y la poca esperiencia alministrativa del presidente, llevaron el país al caos.

Ente los ministros del so gabinete, amás de Barbosa (Facienda), destacáronse Manuel Ferraz de Campos Sales (Xusticia), Floriano Vieira Peixoto (Guerra) y Quintino Bocaiuva (Rellaciones Esteriores).

El 23 de payares de 1891, asocedió una rebelión na Marina, cuando l'almirante Custódio de Melo amenació bombardear la ciudá de Rio de Janeiro, pa forzar l'arrenunciu del presidente. Deodoro arrenunció y apurrió el poder al vicepresidente, mariscal Floriano Peixoto.

=== Fallecimientu Aislláu, disgustáu y enfermu, Manuel Deodoro da Fonseca morrió en Rio de Janeiro el 23 d'agostu de 1892. Pidió ser soterráu en traxes civiles, pidíu que nun foi atendíu; el so funeral tuvo pómpara y honres militares.

Bibliografía editar

A Espada Contra o Império, Roberto Magalhães Júnior (Companhia Editora Nacional, 1957)

Precedíu por:
Emperador Pedro II de Brasil
Presidente de Brasil
1889 - 1891
Asocedíu por:
Floriano Vieira Peixoto

Referencies editar

  1. 1,0 1,1 Afirmao en: Encyclopædia Britannica Online. Identificador Encyclopædia Britannica Online: biography/Manuel-Deodoro-da-Fonseca. Apaez como: Manuel Deodoro da Fonseca. Data de consulta: 9 ochobre 2017. Llingua de la obra o nome: inglés.

Enllaces esternos editar