Eldiario.es

Eldiario.es ye un periódicu dixital español que ñaz el 17 de setiembre de 2012. El so direutor ye'l periodista Ignacio Escolar y la ideoloxía d'esti periódicu ye d'esquierdes.

Eldiario.es
Datos
Tipu	periódicu en llinia
Fundación	17 de setiembre de 2012
Idioma	Castellán y catalán (pola so redaición na Comunidá Valenciana)
Estáu	España
Sede	Gran Vía
Fundador	Ignacio Escolar
Propietariu	Diario de Prensa Digital S.L. Más del 70 % d'esta empresa ta en manes de persones que trabayen darréu na redaición.
Posición política	izquierda progresista
Páxina web	eldiario.es

Historia

Eldiario.es ye un mediu dixital fundáu en 2012 por un grupu de periodistes. El so direutor ye Ignacio Escolar, un blogueru y periodista que participó en numberoses tertulies en TV y radio. Esti abandonó'l periódicu dixital Público en 2012 pa facer el so propiu periódicu. Munchos de los sos redautores son ex-trabayadores d'esi cuando tenía la so versión en papel. Ta editáu pola sociedá llindada Diariu de Prensa Dixital S.L. que reconoz qu'en 2016 tuvo unos ingresos de 3 680 1723 680 172  euros y unos gastos de 3 184 2803 184 280 euros, dexando un beneficiu de 340 030340 030 euros. eldiario.es edita cada trés meses una revista en papel, monográfica, llamada "Cuadernos".

Ye un periódicu independiente que se caltién a traviés de socios. Anguaño tien alredor de 31.000 suscritos. El 70% del so capital pertenez a los sos trabayadores.

eldiario.es mercó'l 1 de xineru de 2017 la web d'información televisiva Vertele, de Daniel Bilbao y Enric Lloveras —tamién aicionistes d'eldiario.es— que se caltienen como aicionistes del portal. La revista dixital hasta entós tenía un conveniu col periódicu dixital 20minutos.

En setiembre de 2018, de manera pionera nos medios de comunicación españoles incorporó la figura de «redautora xefa de Xéneru», pa coordinar ya impulsar la información sobre igualdá, xéneru y feminismu, siguiendo'l modelu de The New York Times. La responsabilidá foi asumida por Ana Requena, cofundadora d'eldiario.es, especialista en periodismu y xéneru y creadora en 2014 del blogue Micromachismos.

Bibliografía

• López García, Guillermo (2013). «La información sobre la Monarquía española en los nuevos medios digitales: Eldiario.es y Vozpopuli.com». adComunica: revista científica de estratexes, tendencies ya innovación en comunicación (6):  páxs. 65-81. ISSN 2254-2728. http://www.adcomunicarevista.com/ojs/index.php/adcomunica/article/download/129/156. 
• Rubio Jordán, Ana Virginia (2014). «La aparición de InfoLibre y eldiario.es para la defensa de un periodismo más democrático y participativo». Historia y Comunicación Social (UCM):  páxs. 491-500. doi:10.5209/rev_HICS.2014.v19.44979. ISSN 1137-0734. 

Llicencia

eldiario.es edita los sos conteníos baxu una llicencia CC-BY-SA. Esta contién dos esceiciones: per un sitiu, nun s'aplica a los conteníos (testos, gráficos, informaciones, imáxenes...) publicaos por eldiario.es procedentes de terceros que vaigan roblaos o sían atribuyibles a axencies d'información (EFE, Europa Press...) o a cualesquier otra empresa distinta de Diario de Prensa Digital, S.L. Tolos derechos sobre estos conteníos queden puramente acutaos al so titular (l'axencia) y, por tanto, nun van poder ser reproducíos, distribuyíos, tresformaos o comunicaos públicamente ensin el consentimientu espreso del so titular. Per otra parte, los dibuxos de los viñetistas tamién son Creative Commons, anque nun van poder ser reproducíos con fines comerciales (CC-BY-NC).

Enllaces esternos

• Wikimedia Commons acueye conteníu multimedia sobre Eldiario.es .

• Datos: Q8774265
• Multimedia: Eldiario.es