Emilio Robles Muñiz
Emilio Robles Muñiz (6 d'ochobre de 1877, Xixón – 6 de marzu de 1938, Xixón), tamién conocíu como Pachín de Melás, foi un escritor n'asturianu.
Emilio Robles Muñiz | |
|---|---|
 | |
| Vida | |
| Nacimientu | Xixón, 6 d'ochobre de 1877 |
| Nacionalidá |
 España |
| Muerte | Xixón, 6 de marzu de 1938 (60 años) |
| Sepultura |
Cementerio de Ceares (es)  |
| Familia | |
| Fíos/es | Germán Horacio |
| Familia |
ver
|
| Estudios | |
| Llingües falaes |
castellanu asturianu |
| Oficiu | escritor |
| Miembru de | Real Academia Asturiana de les Artes y les Lletres |
| Seudónimos | Pachín de Melás |
 | |
De familia humilde abandonó llueu los estudios y púnxose a trabayar como obreru mecánicu. Asistiendo a les clases nocherniegues de la Escuela Industrial de Xixón sacó la especialidá de torneru.
Los sos primeros escritos fueron artículos escontra de la esplotación obrera nos diarios El Comercio, La Defensa del Obrero y La Organización. Por esto y pola so militancia socialista foi esterráu a Llangréu.
Col romance La güelina obtuvo en 1904 el segundu premiu nun certame Científico-Lliterariu que ganó Pepín de Pría. A partir d'entós participó en dellos consursos hasta qu'en 1909 publicó Les veyures de Pinón, un llibru de rellatos.
A lo llargo de la so vida desarrolló importantes iniciatives asturianistes, como la Biblioteca Popular de Escritores Asturianos, la coleición La novela asturiana, el reclamu d'un Estatutu d'Autonomía p'Asturies durante la Segunda República, etc. Asinamesmo, foi nomáu académicu de la Real Academia Asturiana de les Artes y les Lletres.
Durante la Guerra Civil punxo a salvo del fueu los restos de Xovellanos, que s'alcontraben na ilesia de San Pedro de Xixón. Foi apresáu polos franquistes morriendo na cárcel del Coto por mor de les pésimes condiciones nes que taben los presos.
El pintor y cartelista Germán Horacio yera fíu de Pachín de Melás.
Obres editar
- Les veyures de Pinón: coleición de cuentos y "coses" n'asturianu. (1909)
- Veyures: diálogu n'asturianu. Espublizáu en 1909, pero estrenáu nel Teatru Dindurra de Xixón el 29 de payares de 1908.
- Secadiella: cuentu asturianu orixinal de Don Justo Vigil. Adaptáu a escena por Pachín de Melás. (1915).
Referencies editar
Enllaces esternos editar
Wikimedia Commons acueye conteníu multimedia sobre Emilio Robles Muñiz.- Vida y obra de Pachín de Melás
- Completa biografía sobre Pachín de Melás
Datos: Q11015686- Multimedia: Pachín de Melás
