Estudiu cinematográficu

Un estudiu cinematográficu (al que tamién se refieren los términos estudiu de cine, estudiu a seques o productora) ye una empresa, polo xeneral privada, que dispón de tolos medios necesarios pa la producción y el rodaxe de películes y dacuando inclusive tamién pa la so distribución en sales de proyeición.

Majors y estudios independientes editar

Los estudios cinematográficos de mayor ésitu y distribución nel mundu nun son en realidad empreses independientes dedicaes dafechu a la producción de películes sinón que suelen ser, sobremanera, subdivisiones d'otres empreses, de les que faen parte. Por casu, n'Estaos Xuníos, The Walt Disney Company ye una empresa estremada n'otres empreses subordinaes, ente les que se cunten estudios de producción tantu cinematográfica (Walt Disney Pictures, Walt Disney Studios) como musical (Walt Disney Records), según otres empreses dedicaes a otres actividaes como por casu la distribución en sales de proyeición (Walt Disney Studios Motion Pictures), canales de televisión (Disney Channel) y un llargu etc. Esti exemplu, el de la compañía fundada por Walt Disney en 1923, The Walt Disney Company, ye'l d'una compañía que fai parte de les asina llamaes majors del cine, los productores dominantes, en contraposición a otros productores que nun tienen los medios d'ufiertar una tal constelación de subdivisiones y departamentos especializaos y esisten namái en cuantes qu'entidaes úniques ya independientes, como por casu Europacorp, fundada pol direutor francés Luc Besson.

Mientres la primer metá del sieglu XX les majors de Hollywood (en Los Angeles, Estaos Xuníos) apoderaron el mercáu mundial de la cinematografía, fundando lo que vieno llamar se'l sistema d'estudios, pero en tiempos más recién surdieron otros sistemes d'estudios alcontraos n'otres partes del mundu, como por casu en China o tamién na India, país que fundó'l so propiu sistema d'estudios, al que se dio'l nome de Bollywood (contraición ente'l nome de Hollywood y el nome de la ciudá india de Bombay).

Exemplos d'estudios cinematográficos editar

Ver tamién editar