Florina Alías

Florina Alías (1921, Cualloto – 1999, Xixón) foi una escritora n'asturianu. Escritora billingüe, empezó espublizando nos años 1950 en periódicos rexonales. Más tarde ganó munchos premios poéticos, tanto n'asturianu como en castellán: gana la I Andecha de los Amigos del Bable (1975) y, abondo más p'arriba, en 1980, gana'l II Concursu de Cuentos del Centru Asturianu de Madrid col rellatu «Señaldaes del Sueve» arriendes del primer premiu sobre poesía marinera convocáu pola Lliga Naval Española.

Florina Alías
Vida
Nacimientu	Cualloto, 1921
Nacionalidá	España
Muerte	Xixón, 1999 (77/78 años)
Estudios
Llingües falaes	castellanu asturianu
Oficiu	escritora

Casada col tamién escritor Luis Aurelio Álvarez, escribieron y roblaron xuntos Xente de casa: Cien asturianos de güei (1974). Un llibru d'estampes lliteraries realizáu en sonetos y que ye, dende'l títulu, un siguimientu y homenaxe a la obra Munchu güeyu cola xente de casa del escritor conocíu como Fabricio.

Nos testos de Florina Alías percíbese una Asturies idealizada pero viva, narrada siempres nuna llingua clara, llimpia y natural.

Obres

• "Xente de casa : Cien asturianos de güei" / Luis Aurelio Alvarez y Florina Alías ; prólogu, Emilio Alarcos Llorach; epílogu, Francisco Aguilar y Paz. . — Uviéu : [s.n.], 1974 (Ensidesa).
• "Señaldaes del Sueve" / de Florina #Alias Rodríguez.... – [S.l.] : ALSA, D.L. 1980. – 41 p. ; 17 cm
• A la solombra del carbayón: (Guía poética d'Uviéu) / Florina Alías ; dibuxos de Gaspar Meana]. — Xixón : Llibros de la Lluna Llena, 1995.
• "Xixón y el mar na alcordanza" / Florina Alías ; prólogu de Francisco Visaxe ; epílogu de Pedro de Silva Cienfuegos-Jovellanos. — Xixón : [L'autora], 1997.

Ver tamién

• Xeneración de la posguerra

Bibliografía

• Antón García, “Florina Alías”, en Lliteratura asturiana nel tiempu, Uviéu, Conseyería d'Educación, Cultura, Deportes y Xuventú, 1994,

Enllaces esternos

• Páxina de Araz.net sobre Florina Alías (n'asturianu)

• Datos: Q5863223